စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ ဦးဇေယျာအောင်(ခရိုင်ဦးစီးမှူး)သည် ၁၈-၂-၂၀၂၆ရက်နေ့ (၁၁:၃၀) နာရီအချိန်တွင် ဌာနဆိုင်ရာများပါဝင်သောအဖွဲ့များ၊ ရွှေလုပ်ငန်းရှင်များ အသင်းမှတာဝန်ရှိသူများ နှင့်အတူ မြစ်ကြီးနားမြို့၊ ရမ်ပူရပ်ကွက်ရှိ ရွှေပန်းတိမ်းလုပ်ငန်းရှင် (၁)ဦးနှင့် တွေ့ဆုံ၍ အသိပညာပေး ဆောင်ရွက်ခဲ့ပါသည်။
ထိုသို့အသိပညာပေးဆောင်ရွက်ခဲ့ရာတွင် ဦးဇေယျာအောင်(ခရိုင်ဦးစီးမှူး)က လုပ်ငန်းရှင်အား စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ ကျင့်ဝတ်နှင့်တာဝန်များ၊ ကုန်စည်၏ အရည် အသွေး၊ ကြော်ငြာ၊ ကမ်းလှမ်းချက် သို့မဟုတ် အရောင်းမြှင့်တင်ခြင်းတွင် ပါဝင်သော ဖော်ပြချက်နှင့် ကိုက်ညီမှုရှိခြင်းစသည့် အာမခံချက်ပေးရမည့်အချက်များ၊ ကုန်စည်နှင့်စပ်လျဉ်း၍ အာမခံပေးထားမှု အပေါ် စားသုံးသူကတောင်းဆိုနိုင်သည့် အခွင့်အရေးများ၊ စံသတ်မှတ်ချက်များနှင့် ကိုက်ညီမှုရှိသော ကုန်စည်ကိုသာ ဈေးကွက်အတွင်းရောင်းချရန်၊ ရွှေအရောင်းအဝယ်ပြုလုပ်ရာတွင် နိုင်ငံတော်မှ သတ်မှတ်ထားသော ရည်ညွှန်းဈေးနှုန်းဖြင့်သာ ရောင်းဝယ်ခြင်းပြုလုပ်ရန်၊ ပြည်တွင်းရွှေဈေးကွက် အတွင်း ဈေးကစားရန် ရည်ရွယ်ချက်ဖြင့် ရောင်းဝယ်မှုများမပြုလုပ်ရန်၊မိမိကုန်ပစ္စည်းအား မဖြစ်နိုင် သည့် ကြော်ငြာများဖြင့်စားသုံးသူအား မက်လုံးပေး၍ အရောင်းမြှင့်တင်ခြင်းများမပြုလုပ်ရန်နှင့် ပြုလုပ်ပါက စားသုံးသူကာကွယ်ရေးဥပဒေအရ အရေးယူခံရနိုင်ကြောင်းနှင့်စားသုံးသူ ကာကွယ်ရေး ဥပဒေ ပြဋ္ဌာန်းချက်ပါ ပြစ်မှုပြစ်ဒဏ်များအကြောင်း အသိပညာပေးဆွေးနွေးခဲ့ပါသည်။
DOCA(ကချင်)