မအူပင်ခရိုင်၊ ညောင်တုန်းမြို့နယ်တွင် ဆန်စက်လုပ်ငန်းများဖွံ့ဖြိုးတိုးတက်စေရန် မြို့နယ်ဦးစီးမှူးရုံးမှ တာဝန်ရှိသူများသည် မိတ်ဖက်ဌာနဆိုင်ရာများနှင့် အတူ ကွင်းဆင်းလေ့လာ ဆောင်ရွက်လျက်ရှိပါသည်။ ညောင်တုန်းမြို့နယ်အနေဖြင့် ဆန်စက် ၄၃စက်ရှိပြီး၊ Gasifire အသုံးပြုစက် ၁၈လုံး ရှိကြောင်း သိရသည်။ Gasifire ဆန်စက်များမှ အသုံးပြုသော စပါးအခြောက်ခံစက်များအနေဖြင့် စပါးအခြောက်ခံနိုင်မှု စွမ်းအား ၅၀၀တင်း အခြောက်ခံ စက် (၁၃)စက်၊ စပါး (၇၀၀)တင်း အခြောက်ခံစက် (၂)စက်၊ စပါးတင်း(၁၀၀၀)အခြောက်ခံ စက်(၁)လုံး၊ စပါး(၁၂၀၀)တင်း အခြောက်ခံနိုင်မှု စက်(၂)လုံး ရှိကြောင်း စက်များမှ ပေါင်းခံနိုင်မှု (၁-၂-၃) ပေါင်းအထိ ပေါင်းခံနိုင်သည်ဟု မြေပြင်ကွင်းဆင်းမှုမှ ဆန်စက် တာဝန်ခံများ၏ ပြောပြချက်အရသိရသည်။ ညောင်တုန်းမြို့နယ် ဦးစီးမှူးရုံးမှ ဦးအောင်လွင်နှင့် စစ်ဆေးရေးအဖွဲ့တို့က ဆန်စက်လုပ်ငန်းဖွံ့ဖြိုးတိုးတက်စေရေး၊ ဆန်စက်မှ ကြိတ်ခွဲထွက်ရှိသော ဆန်များအရည်အသွေးမီကြိတ်ခွဲထုတ်လုပ်နိုင်ရေး၊ အရည်အသွေးကောင်းဆန်များ ပြည်ပတင်ပို့နိုင်ရေး၊ ဌာန၏ ဆန်စက်လုပ်ငန်းများအတွက် အမိန့်ညွှန်ကြားချက်များကို သိရှိနိုင်ရန် (၄-၂-၂၀၂၆)ရက်နေ့ နံနက် (၁၁း၀၀)နာရီအချိန်တွင် ကွင်းဆင်းမှာကြားရှင်းလင်းဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)