( ၆.၂.၂၀၂၆ ) ရက်နေ့တွင် ကလေးခရိုင်၊ စားသုံးသူရေးရာဦးစီးဌာနတွင် ဖွင့်လှစ်ထားသည့် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ ( CICC ) သို့ ကလေးမြို့မှ လုပ်ငန်းရှင်တစ်ဦးအနေဖြင့် လာရောက်တိုင်ကြားမှုအား ကလေးခရိုင်၊ စားသုံးသူရေးရာ ဦးစီးဌာနမှ ဒေါ်သန်းသန်းဝင်း ( ခရိုင်ဦးစီးမှူး ) မှ ဦးဆောင်၍ မေးမြန်းဆောင်ရွက်ခြင်းများ ပြုလုပ်ခဲ့ ကြကြောင်း သိရှိရပါသည်။ လုပ်ငန်းရှင်အနေဖြင့် မိမိမှ စက်ပစ္စည်းဝယ်ယူမှုအား ငွေအကျေပေးချေ၍ ဝယ်ယူရာတွင် အိမ်တိုင်ရာရောက် လာရောက်တပ်ဆင်ပေးမည်ဟု ကတိပြုစာချုပ်ချုပ်ဆို၍ ဝယ်ယူခဲ့သော်လည်း ယနေ့အချိန်ထိ လာရောက်တပ်ဆင်ပေးခြင်းမရှိခြင်း၊ ပြန်အမ်းငွေတောင်းခံရာတွင်လည်း ဖုန်းအဆက်အသွယ်များဖြတ်တောက်ထားခြင်းများကြောင့် မိမိအနေဖြင့် စိတ်ကျေနပ်မှုမရှိ၍ ဖြေရှင်းဆောင်ရွက်ပေးနိုင်ရန်အတွက် လာရောက်တိုင်ကြားရခြင်း ဖြစ်ပါသည်။ဒေါ်သန်းသန်းဝင်း ( ခရိုင်ဦးစီးမှူး ) အနေဖြင့် မိမိတို့အနေဖြင့် စေ့စပ်ညှိနှိုင်းဖြေရှင်း ဆောင်ရွက်ပေးမည်ဖြစ်ကြောင်းနှင့် ဖြေရှင်းဆောင်ရွက်နေချိန်အတွင်း Social Midea များတွင် ဖော်ပြခြင်းများ မလုပ်ဆောင်ရန်အတွက် ပြောကြားခဲ့ကြောင်း သိရှိရပါသည်။
DOCA(စစ်ကိုင်း)