စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်ဦးစီးမှူးရုံး အစည်းအဝေးခန်းမ၌ (၅.၂.၂၀၂၆) ၊ နံနက် (၉:၃၀) အချိန်တွင် နိုင်ငံတော်ယာယီသမ္မတ ခရီးစဉ်တွင် ပြည်ခရိုင်အတွင်း ပြည်မြို့နယ်၊ ပန်းတောင်းမြို့နယ်တို့သို့ သွားရောက်ခဲ့သည့် ခရီးစဉ်တွင် လမ်းညွှန်မှာကြားချက်အရ ပန်းတောင်းမြို့နယ်မှ ထွက်ရှိသည့် ပဲနှင့် ဆန်များကို အသုံးပြု၍ ပဲကြာဆံနှင့် ဆန်ကြာဆံမျာကို ထုတ်ကုန်တစ်ခုအဖြစ် ထုတ်လုပ်နိုင်ရေး ကြိုးပမ်းဆောင်ရွက်ရန် လမ်းညွှန်မှုအပေါ် ပဲခူးတိုင်းဒေသကြီး၊ ပြည်တွင်းကုန်သွယ်မှုဖွံ့ဖြိုးရေးဌာနမှ ဦးဆောင်၍ ပြည်ခရိုင်ဦးစီးမှူး၊ တောင်ငူခရိုင်ဦးစီးမှူးနှင့် လုပ်ငန်းရှင်များမှ Zoom ဖြင့်လည်းကောင်း၊ ခရိုင် FDA ဌာန၊ အသေးစားစက်မှုလက်မှုဌာန၊ စက်မှု ကြီးကြပ်ဌာန၊ ပြည်ခရိုင်နှင့်တောင်ငူခရိုင်တို့မှ ဆန်စပါး၊ ပဲမျိုးစုံ စိုက်ပျိုးထုတ်လုပ်သည့် လုပ်ငန်းရှင် များနှင့် ပဲကြာဆံရောင်းဝယ်သည့်လုပ်ငန်းရှင်များ မုန့်ဖတ်ခြောက်ထုတ်လုပ်သည့် လုပ်ငန်းရှင်များ စသည်တို့မှ ပြည်ခရိုင်ဦးစီးမှူးရုံး အစည်းအဝေး ခန်းမတွင် တွေ့ဆုံ၍လည်းကောင်း ဆွေးနွေးခဲ့ရာ စုစုပေါင်း (၂၅) ဦး တက်ရောက်ခဲ့ကြောင်း သိရပါသည်။
အဆိုပါ ဆွေးနွေးပွဲတွင် ပဲကုန်ကြမ်းမှ ပဲကြာဆံထုတ်လုပ်ပုံအဆင့်ဆင့် ထုတ်လုပ်မှု ကုန်ကျစရိတ် နှင့် အကျိုးအမြတ်၊ ဈေးကွက်အခြေအနေများ၊ မြေနေရာရရှိမှုနှင့် MSMEs ချေးငွေရရှိမှုအခြေအနေ၊ ရင်းနှီးမြှုပ်နှံမှုပမာဏ၊ ရေဆိုးစွန့်ထုတ်မည့်အခြေအနေများ စသည်တို့နှင့် စပ်လျဉ်း၍ ဆွေးနွေးခဲ့ရာ ပြည်မြို့နယ် ပဲကြာဆံကုန်သည်တစ်ဦးမှ မြေနေရာနှင့် MSMEs မတည်ရင်းနှီးငွေအား နိုင်ငံတော်မှ ပံ့ပိုး ပေးမည်ဆိုလျှင် ပဲကြာဆံထုတ်လုပ်သည့်လုပ်ငန်းအား ဆောင်ရွက်သွားမည်ဖြစ်ကြောင်း သတင်းရရှိ ပါသည်။
DOCA(ပဲခူး)