လေ့လာစောင့်ကြည့်သုတေသနအဖွဲ့နှင့် စားအုန်းဆီဖြန့်ဖြူးနေသည့် ကုမ္ပဏီများ၊ လက်လီ/လက်ကား ကိုယ်စားလှယ်များ၏ လုပ်ငန်းညှိနှိုင်းအစည်းအဝေးနှင့် မွန်ပြည်နယ်ဆီကုန်သည်နှင့် ဆီလုပ်ငန်းရှင်များအသင်း ရွေးချယ်တင်မြှောက်ပွဲ အခမ်းအနားကျင်းပပြုလုပ်

            ၃၀.၁.၂၀၂၆ ရက်နေ့တွင် မွန်ပြည်နယ်၊ မော်လမြိုင်မြို့၊ ငွေမိုးဟိုတယ်၌ ကျင်းပပြုလုပ်သည့် လေ့လာစောင့်ကြည့်သုတေသနအဖွဲ့နှင့် စားအုန်းဆီဖြန့်ဖြူးနေသည့် ကုမ္ပဏီများ၊ လက်လီ/လက်ကား ကိုယ်စားလှယ်များ၏ လုပ်ငန်းညှိနှိုင်းအစည်းအဝေးနှင့် မွန်ပြည်နယ် ဆီကုန်သည်နှင့် ဆီလုပ်ငန်းရှင်များအသင်း ရွေးချယ်တင်မြှောက်ပွဲသို့ မွန်ပြည်နယ် အစိုးရအဖွဲ့၊ စီးပွားရေးဝန်ကြီး နိုင်လယိတမ၊ စားသုံးသူရေးရာဦးစီးဌာန၊ ဒုတိယညွှန်ကြားရေးမှူးချုပ်၊ မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်း ဥက္ကဌ၊  ဒုဥက္ကဌ၊ အတွင်းရေးမှူးနှင့် အလုပ်အမှုဆောင်များ၊ စားသုံးသူရေးရာ ဦးစီးဌာန၊ မွန်ပြည်နယ်ဦးစီးမှူးနှင့် ဝန်ထမ်းများ၊ စားအုန်းဆီဖြန့်ဖြူးနေသည့် လက်လီ/ လက်ကား ကိုယ်စားလှယ်များ တက်ရောက်ခဲ့ကြောင်း သိရသည်။

               ပထမဦးစွာ မွန်ပြည်နယ်အစိုးရအဖွဲ့ စီးပွားရေးရာဝန်ကြီး နိုင်လယိတမက အဖွင့်အမှာစကားပြောကြားခဲ့ပြီး စားသုံးသူရေးရာဦးစီးဌာန၊ ဒုတိယညွှန်ကြားရေးမှူးချုပ်နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း ဥက္ကဌက အမှာစကားပြောကြားခဲ့ပါ သည်။ ဆက်လက်၍ မွန်ပြည်နယ်၊ စားသုံးသူရေးရာဦးစီးဌာန၊ပြည်နယ်ဦးစီးမှူးက စားအုန်းဆီဖြန့်ဖြူးရောင်းချခြင်းနှင့်ပတ်သက်၍ ရှင်းလင်းဆွေးနွေးခြင်း၊ လေ့လာစောင့်ကြည့်သုတေသနအဖွဲ့ အဖွဲ့ခေါင်းဆောင် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၊ ဒုတိယဥက္ကဌကလုပ်ငန်းစဉ်များနှင့်ဆောင်ရွက်ချက်များကိုရှင်းလင်းတင်ပြခဲ့ကြပြီးအစည်းအဝေးအားရုတ်သိမ်းခဲ့ကြပါသည်။

                အစည်းအဝေးအပြီးတွင် မွန်ပြည်နယ် ဆီကုန်သည်နှင့် ဆီလုပ်ငန်းရှင်များအသင်း ရွေးချယ်တင်မြှောက်ပွဲအား ဆက်လက်ကျင်းပခဲ့ရာ မွန်ပြည်နယ်၊ ခရိုင် (၄) ခု၊ မြို့နယ် (၁၀) မြို့နယ်မှ အလိုအလျောက် အလုပ်အမှုဆောင် (၁၀) ဦးအား အများဆန္ဒမဲအရ ရွေးချယ်တင်မြှောက်ခဲ့ကြသည်။ထို့နောက်ဗဟိုအလုပ်အမှုဆောင်များအားအများမဲဆန္ဒဖြင့်ရွေးချယ်တင်မြှောက်ခဲ့ကြပြီး ဆက်လက် ၍ ဥက္ကဌ၊ ဒုဥက္ကဌ (၁)၊ ဒုဥက္ကဌ (၂)၊ အတွင်းရေးမှူး၊ တွဲဖက်အတွင်းရေးမှူး၊ ဘဏ္ဍာရေးမှူး၊ တွဲဖက်ဘဏ္ဍာရေးမှူး၊ အကျိုးဆောင်စာရင်းစစ် (၂) ဦးတို့အား ရွေးချယ်တင်မြှောက်ခဲ့ကြကြောင်း သိရှိရပါသည်။

DOCA (မွန်)