ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် ပေါ်တော်မူဘုရား အမှတ်(၂) အခြေခံပညာအထက်တန်းစာသင်ကျောင်းတွင် စားသုံးသူရေးရာဦးစီးဌာနနှင့်၊ ကျန်းမာရေးဦးစီးဌာန၊ ပြန်ကြားရေး နှင့်ပြည်သူ့ဆက်ဆံရေးဦးစီးဌာနတို့ ပူးပေါင်း၍ မုန့်ဈေးတန်းအား ကွင်းဆင်းစစ်ဆေးခြင်းကို ၂၀၂၆ခုနှစ် ဇန်နဝါရီလ ၂၁ရက်နေ့ နေ့နံနက်(၉:၃၀)နာရီက ကွင်းဆင်းစစ်ဆေးဆောင်ရွက်ခဲ့သည်။
ကွင်းဆင်း စစ်ဆေးဆောင်ရွက်ရာတါင် ကျောင်းမုန့်ဈေးတန်းတွင် ရောင်းချနေသည့် မုန့်ဆိုင် ၈ဆိုင်ရှိ အစားအသောက်နှင့် မုန့်များတွင် FDA မှတားမြစ်ထားသောမုန့်များရောင်းချခြင်း ရှိ/မရှိ၊ သက်တမ်းလွန်မုန့်များ ရောင်းချခြင်း ရှိမရှိကိုစစ်ဆေးခြင်း၊ ကုန်အညွှန်အမှတ်အသား မြန်မာစာဖော်ပြခြင်း မရှိသော မုန့်များကို ရောင်းချခြင်း ရှိမရှိစစ်ဆေးခြင်း၊ မသန့်ရှင်း သော အစားအသောက်များ ရောင်းချမှုမရှိစေရေး ပညာပေးခြင်း၊ ထမင်း၊ လက်သုတ်မုန့်များ၊ မြန်မာမုန့်များကိုရောင်းချပါက အုပ်ဆောင်း၊ ဇကာ၊ အဖုံးတို့ဖြင့် ရောင်းချရန်၊ မြန်မာမုန့်ရောင်းချသူများအနေဖြင့် ခေါင်းစွပ်၊ လက်အိတ်များအသုံးပြု၍ မြန်မာမုန့်များကို ကိုင်တွယ် ရောင်းချရန်၊ တကိုယ်ရည်သန့်ရှင်းကို အထူးဂရုစိုက်ရန်၊ မုန့်ဈေးတန်းပတ်ဝန်ကျင်အနီး သန့်ရှင်ရေးကို ဂရုစိုက်ဆောင်ရွက်ရန်၊ ကျောင်းစစ်ဆေးရေး မုန့်ဈေးတန်းတာဝန်ရှိသူများကိုလည်း အပတ်စဉ်စစ်ဆေးလုပ်ဆောင်ရန် ဈေးဆိုင်ရှင်များအား အသိပညာပေးခြင်းများ ဆောင်ရွက်ခဲ့ကြောင်း သိရသည်။
DOCA(ဧရာဝတီ)