စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်တာဝန်ခံရုံးမှ ဝန်ထမ်းများသည် ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် ပူးပေါင်း၍ (၂၀.၁.၂၀၂၆) ရက်နေ့၊ နံနက် (၀၉:၀၀) နာရီအချိန်တွင် ပြည်ခရိုင်၊ ပြည်မြို့၊ ပြည်မြို့ စင်္ကြန်တောင်တောရ ဘုန်းတော်ကြီးသင်ပညာရေးကျောင်း၌ ဆရာ၊ ဆရာမ (၄) ဦး၊ ကျောင်းသား/ ကျောင်းသူ (၁၀၅)ဦး၊ စုစုပေါင်း (၁၀၉) ဦးတို့အား စားသုံးသူကာကွယ်ရေး အသိပညာပေးဟောပြောပွဲပြုလုပ်ခဲ့ကြောင်း သိရသည်။
အဆိုပါ ဟောပြောပွဲတွင် ပြည်မြို့နယ်ဦးစီးမှူး ဦးထွန်းနိုင်လင်းက ဌာနဖွဲ့စည်းပုံနှင့် ယခု ဌာနမှတာဝန်ယူဆောင်ရွက်နေသည့် လုပ်ငန်းများအကြောင်း၊ စားသုံးသူမိဘပြည်သူများ၏ အခွင့်အရေးများကိုသိရှိပြီး နစ်နာဆုံးရှုံးမှုရှိခဲ့လျှင် တိုင်ကြားနိုင်စေရန် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ “CICC” ရုံးများဖွင့်လှစ်ထားရှိနေပြီဖြစ်ကြောင်း၊ ထိုသို့ လည်းတိုင်ကြားနိုင်ကြောင်း၊ ဒါ့အပြင် facebook စာမျက်နှာတွင်လည်းကောင်း၊ DOCA. Doca.com. mm တွင်လည်းကောင်း၊ Consumer Call Center ဖွင့်လှစ်ထားသည့် (1535) Call Center တွင်လည်းကောင်း တိုင်ကြားနိုင်ကြောင်း အသေးစိတ်အသိပညာပေးဟောပြောခဲ့ကြောင်း သိရှိရပါသည်။
DOCA(ပဲခူး)