ပြည်နယ်အတွင်း စားသုံးကုန်/လူသုံးကုန်များပစ္စည်း၊ စားဖိုဆောင်သီးနှံများကို အများအားဖြင့် အခြားမြို့ကြီးများမှတဆင့် ဝယ်ယူရောင်းချကြသည်။ စားဖိုဆောင်သီးနှံတစ်ခုဖြစ်သော အာလူးကိုဒေသတွင်း ၂၀၂၅ - ၂၀၂၆ ခုနှစ် ဘဏ္ဍာရေးနှစ်တွင် (မိုး)ရာသီစိုက်ပျိုးဧက (၃) ဧကရှိ တူးဖော်ရိတ်သိမ်းပြီးကြောင်း၊ (ဆောင်း)ရာသီ အာလူးအောက်တိုဘာ၊ နိုဝင်ဘာ၊ ဒီဇင်ဘာလ များတွင် (ဆောင်း) ရာသီအာလူးစိုက်ပျိုးဧက (၁၅၉)စိုက်ပျိုးထားပြီးဖြစ်ကြောင်း စိုက်ပျိုးရေး ဦးစီးဌာနမှမေးမြန်းသိရှိရပါသည်။ ဇန်နဝါရီလနောက်ဆုံး ပတ်ဈေးကွက်တွင် ဖြစ်ပေါ်နေသော ဈေးနှုန်းမှာ အာလူး(မျက်စပ်နီ) တစ်ပိဿာကျပ်(၇၀၀၀/၈၀၀၀)ဖြင့် ရောင်းချနေကြောင်းတွေ့ရှိ ရသည်။ ဒေသအတွင်းမှာစိုက်ပျိုးသော်လည်း ပြည်နယ်အတွင်း ထွက်ရှိမှုသည် ပြည်နယ် အတွင်းနေထိုင်သူများအင်အားနှင့်ယှဉ်ကြည့်မည်ဆိုလျှင် စားသုံးမှုဖူလုံမှု လိုအပ်သည်များရှိနေ၍ အခြားမြို့ကြီးများဖြစ်သောအောင်ပန်း၊ ကလောမြို့တို့မှ သယ်ယူရောင်းချလျက်ရှိပါသည်။ အာလူး အရွယ်အစားအလိုက် အကြီး၊ အလတ်၊ အသေးပေါ်မူတည်၍ ဈေးနှုန်းကွာခြားမှုများရှိပါသည်။ ဇန်နဝါရီလ တတိယပတ်တွင် အာလူးတစ်ပိဿာလျှင်ကျပ် (၆၀၀၀ မှ ၇၀၀၀) အထိရှိပြီး ဇန်နဝါရီလ စတုတ္ထပတ်တွင် တစ်ပိဿာလျှင် ကျပ်(၇၀၀၀မှ ၈၀၀၀)ဈေးနှုန်းဖြင့်ရောင်းချလျက်ရှိကြောင်း၊ ဈေးနှုန်းမှာလည်း အနည်းတက်လျက်ရှိကြောင်း သိရှိရသည်။ ဈေးနှုန်းပြောင်းလဲသော်လည်း ဈေးရောင်းပါးခြင်းမရှိဘဲ ရောင်းသူ ၊ ဝယ်များပုံမှန် လည်ပတ်လျက်ရှိကြောင်း စားဖိုဆောင်သီးနှံရောင်းချသူတစ်ဦးထံမှသိရှိရပါသည်။
DOCA(ကယား)