နတ်တလင်းခရိုင်တွင် ဆီလက်လီ/လက်ကားကိုယ်စားလှယ်များနှင့် တွေ့ဆုံ

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ နတ်တလင်း ခရိုင်ဦးစီးမှူးရုံး၌ (၂၀.၁.၂၀၂၆)နေ့ နေ့လယ်(၁၃:၀၀)နာရီတွင် ခရိုင်ဦးစီးမှူးနှင့် ဆီရောင်းချသော လက်လီ/လက်ကား ကိုယ်စားလှယ်များနှင့်တွေ့ဆုံကာ စားအုန်းဆီတင်သွင်းဖြန့်ဖြူးရာတွင် နိုင်ငံတော်ကိုယ်စား ကုမ္ပဏီမှ တာဝန်ယူတင်သွင်းဖြန့်ဖြူးခြင်းဖြစ်ကြောင်း ကုမ္ပဏီမှတစ်ဆင့် လက်ကားကိုယ်စားလှယ်များ၊ လက်ကားကိုယ်စားလှယ်များမှတဆင့် လက်လီရောင်းချသော ဆိုင်များ၊ လက်လီရောင်းချသောဆိုင်များမှတဆင့် စားသုံးသူပြည်သူများထံအရောက် ဖြန့်ဖြူးရောင်း ချရန်အတွက် လက်ကားကိုယ်စားလှယ်ကို ကုမ္ပဏီမှတာဝန်ယူ၍ လက်လီရောင်းချသူများကို လက်ကားကိုယ်စားလှယ်မှ တာဝန်ယူကာ ပြည်သူထံအရောက် ရောင်းချရန်လိုပါကြောင်း လက်ကားနှင့်လက်လီကြားတွင် တာဝန်ယူမှု တာဝန်ခံမှုရှိရန်လိုကြောင်း နိုင်ငံတော်ကချမှတ်ထား သည့် အရေးကြီးကုန်စည်စာရင်းတွင် ပါဝင်သောကြောင့် မိမိတို့တာဝန်ယူထားသည့်မြို့နယ်အလိုက် အမှားအယွင်းသတင်းမရှိစေရေး အလေးထားဆောင်ရွက်ရန် ဆီဖြန့်ဖြူးခြင်းနှင့်လုပ်ငန်းများနှင့် ပတ်သက်၍ မှန်(၆)မှန်ဖြင့် ဖြန့်ဖြူးရောင်းချရန် လက်လီလက်ကားစာရင်း မှန်ကန်ရန်အတွက် လက်လီလက်ကားရောင်းချ သောသူများသည် ဒေသခံဖြစ်ရန်၊ ဆီအသင်းဝင်ဖြစ်ရန်၊ အချိန်မရွေးစစ် ဆေးခံနိုင်သူဖြစ်ရန်၊ မြေပြင်သို့ အဓိက ဆီပျံ့ပျံ့နှံ့နှံ့ဆီရောက်ရှိရေး တာဝန်ယူနိုင်သူဖြစ်ရန်လို ကြောင်း ပြည်သူများထံသို့ ဆီဖြန့်ဖြူးရာတွင် ဈေးကွက်ဖြန့်ဆီ၊ ဈေးကားဆီ၊ အရန်ဆီ၊ စက်မှုကုန်ကြမ်းဆီများ၊ နေရာမှန်ကန်ရန်နှင့် ဗီနိုင်းချိတ်ဆွဲရန် လိုအပ်ပါကြောင်း၊ အချိန်မှန်ကန်ရန် သတ်မှတ်ထားသော ရည်ညွှန်းဈေးထက် ပိုမိုရောင်းချခြင်းမပြုဘဲ ဈေးနှုန်းမှန်ကန်စွာရောင်းချရန် တိုင်းဒေသကြီးပြည်နယ်အလိုက် ဒေသအရောက်အရင်းဈေးနှုန်းများတွက်ချက်၍ အပတ်စဉ်ပေးပို့ ထားရှိကြောင်း မိမိတို့ရောင်းချရမည့် ဒေသဦးရေ အရေအတွက်မှန်ကန်ရန် အလေးချိန်ပြည့်စွာ ရောင်းချရန်နှင့် ဆီအရည်အသွေးမှန်ကန်စေရန် လိုအပ်ပါကြောင်း လက်လီရောင်းချသော ဆီဆိုင်များမှလည်း သတ်မှတ်ချက်ကျော်၍ လာထုတ်ယူပါက ထုတ်ပေးစေလိုပါကြောင်း ပြောကြားခဲ့ပါသည်။   

DOCA(ပဲခူး)