စားဖိုဆောင်သီးနှံ တစ်မျိုးဖြစ်သည့် ကြက်သွန်ဖြူကို ဟင်းလျာများတွင် အသုံးပြုပြီး ပြည်နယ်အတွင်းတွင် တစ်နိုင်တစ်ပိုင် စိုက်ပျိုးလျက်ရှိကြပြီး အောင်ပန်း၊ ကလောတို့ မှသယ်ယူ ရောင်းချလျက်ရှိပါသည်။ လက်ရှိစျေးကွက်အတွင်းဖြစ်ပေါ်နေသော ကြက်သွန်ဖြူ စျေးနှုန်းမှာ ယခု ဇန်နဝါရီလ တတိယပတ်အတွင်း ကြက်သွန်ဖြူ (ရှမ်းစ) တစ်ပိသာလျှင် (၁၁၀၀၀)မှ (၁၂၀၀၀) ကျပ် သို့လည်းကောင်း၊ (ကြူဂုတ်) တစ်ပိသာလျှင် (၁၄၀၀၀)ကျပ်မှ (၁၅၀၀၀) ကျပ်သို့ စျေးနှုန်းတက်လာ ကြောင်းသိရှိရပါသည်။
ဇန်နဝါရီလ ဒုတိယပတ်နှင့် ယခုဇန်နဝါရီလတတိယပတ်အတွင်း စျေးနှုန်းများကို နှိုင်းယှဉ် ကြည့်လျှင် ကြက်သွန်ဖြူ တစ်ပိသာလျှင် (၁၀၀၀) ကျပ်သို့ အနည်းငယ်တက်လာကြောင်း ထားဝယ်မြို့ စည်ပင်သာယာစျေး အတွင်းရှိစားဖိုဆောင်သုံးပစ္စည်းများရောင်းချနေသူ တစ်ဦးထံမှ သိရှိရပါသည်။
DOCA(တနင်္သာရီ)