စျေးကွက်အတွင်း မန္တလေးတိုင်းဒေသကြီး၊ ရှမ်းပြည်နယ်နှင့် စစ်ကိုင်းတိုင်းဒေသကြီးတို့မှ သုံးရာသီသရက်သီး(အစိမ်း)များဝင်ရောက်လျက်ရှိပြီး၊ ကုန်စိမ်းစျေးကွက်အတွင်း အရောင်းသွက်လျက်ရှိကြောင်း သိရှိရပါသည်။၂၀၂၅ ခုနှစ် ဒီဇင်ဘာလ နောက်ဆုံးပတ်အတွင်း သရက်သီး အစိမ်း (သုံးရာသီသရက်သီး)များအား အလေးချိန်ဖြင့် ရောင်းချလျက်ရှိပြီး၊ သရက်သီးအစိမ်း တစ်ပိဿာ လျှင် လက္ကားစျေး ၆၀၀၀ကျပ်နှင့်၇၀၀၀ ကျပ်၊ လက်လီစျေး ၇၅၀၀ ကျပ် နှင့် ၈၀၀၀ ကျပ်၊ သရက်ချဉ် (အိုးသိပ်ချဉ်အဟောင်း) တစ်ပိဿာလျှင် ၇၀၀၀ကျပ်နှင့် ၈၀၀၀ ကျပ်၊ (အိုးသိပ်ချဉ်အသစ်) တစ် ပိဿာလျှင် ၈၅၀၀ကျပ်နှင့်၉၅၀၀ကျပ်၊ သရက်သီးသနပ်(ကုလားတည်ချဉ်) တစ်ပိဿာလျှင် ၈၀၀၀ ကျပ်နှင့် ၁၀၀၀၀ ကျပ်နှင့် အသီးအရွယ်အစားအလိုက် သရက်ကင်း (အသီး လုံးသေး) ၁၀လုံးလျှင် ၂၀၀၀ကျပ်နှင့် ၃၀၀၀ကျပ်စျေးတို့ဖြင့် ရောင်းချလျက်ရှိကြောင်း မန္တလေးမြို့၊ ကမ်းနားလမ်းရှိကုန်စိမ်း စျေးသည်တစ်ဦး၏ပြောပြချက်အရ သိရှိရပါသည်။
DOCA(မန္တလေး)