မြင်းခြံမြို့နယ်ရှိ အေးမြသီတာဈေးနှင့် စံပြဈေးများ၌ သီးနှံမျိုးစုံလက်လီလက်ကားရောင်းချ လျက်ရှိရာ ခရမ်းသီးများကိုလည်း ကျေးရွာများ၌စိုက်ပျိုးထားရှိသလို ဈေးကွက်လိုအပ်ချက်အရ ပုပ္ပါးမြို့နှင့် ပခုက္ကူမြို့တို့မှလည်း မှာယူရောင်းချရကြောင်း၊ ၂၀၂၅ခုနှစ်၊ ဒီဇင်ဘာလ၌ ခရမ်းသီး တစ်ပိဿာလျှင် (၃၀၀၀) ကျပ်ခန့် ပေါက်ဈေးများဖြင့် ရောင်းချလျက်ရှိကြောင်း သိရှိရသည်။ ယခင် ဒီဇင်ဘာဒုတိယပတ်၌ ခရမ်းသီးတစ်ပိဿာလျှင် (၃၈၀၀) ကျပ်ခန့် ပေါက်ဈေးများဖြင့် ရောင်းချခဲ့ကြောင်း၊ ယခင်တစ်ပတ်နှင့် နှိုင်းယှဉ်ပါက ယခုတစ်ပတ်တွင်ခရမ်းသီး တစ်ပိဿာလျှင် (၈၀၀) ကျပ်ခန့် ဈေးနှုန်းများကျဆင်းခဲ့ကြောင်း၊ ဒေသတွင်း စိုက်ပျိုးထားရှိသော ခရမ်းသီးများ ထွက်ပေါ်လာပြီဖြစ်သောသောကြောင့် ဈေးနှုန်းများကျဆင်းခြင်းဖြစ်ကြောင်း၊ စားသုံမှုများပြား၍အရောင်းအဝယ်ကောင်းကြောင်း၊ နေ့စဉ်ကုန်ချိန်ပိဿာ (၃၀-၄၀)ခန့် ရောင်းချရသလိုတဆင့်ပြန်လည် ရောင်းချသူများကိုလည်း ဖောက်သည်ပေးရကြောင်း၊ ကုန်စိမ်းရောင်းချသူ၏ ပြောပြချက်အရသိရှိရသည်။
DOCA(မန္တလေး)