ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ ခရိုင်ဦးစီးမှူးဦးဇော်မင်းသည်(၁၈-၁၂-၂၀၂၅)ရက်နေ့ နံနက် (၁၁:၀၀)အချိန်တွင် အသေးစား စက်မှုလုပ်ငန်းဦးစီးဌာန သင်တန်းကျောင်း၊ အိုင်ဝိုင်းကျေးရွာတွင် သင်တန်းသူများအား စားသုံးသူအသိပညာပေး ဟောပြောခဲ့သည်။
ဟောပြောရာတွင် ခရိုင်ဦးစီးမှူးက စားသုံးသူရေးရာဦးစီးဌာန ဖြစ်ပေါ်လာပုံသမိုင်းကြောင်းကိုလည်းကောင်း၊ ဥပဒေရေးဆွဲဖြစ်ပေါ်သည့် အကြောင်းကိုလည်းကောင်း၊ စားသုံးသူကာ ကွယ်ရေး ဥပဒေ သည် (၂၀၁၉ ခုနှစ်၊ ပြည်ထောင်စုလွှတ်တော်ဥပဒေအမှတ် ၉ ။)၁၃၈၀ ပြည့်နှစ်၊ တပေါင်းလဆန်း ၁၀ ရက်(၂၀၁၉ ခုနှစ်၊ မတ်လ ၁၅ ရက်)က ထုတ်ပြန်ခဲ့ပြီး အခန်း(၂၅)၊ ပုဒ်မ ၈၄ခုပါဝင်ကြောင်း ကိုရှင်းလင်းခြင်း၊ ဒေသတွင်း တန်ဖိုးမြင့်စားသောက်ကုန်ထုတ်လုပ်မှု သင်တန်းဖြစ်၍ MSME များသည် စီးပွားရေးတိုးတက်မှုတွင် အရေးကြီး ပန်းတိုင်တစ်ခုဖြစ်ကြောင်း၊ MSME လုပ်ငန်းများကို စနစ်တကျမှတ်ပုံတင်၍ လုပ်ငန်းဆောင်ရွက် ခြင်းသည် နိုင်ငံ၏စီးပွားရေးဖွံ့ဖြိုးတိုးတက်မှုကို ကူညီပေးနေရုံသာမက စီးပွားရေးအခြေခံအုတ်မြစ်တစ်ခုကို တည်ဆောက်ပေးနေခြင်းလည်းဖြစ်ကြောင်း၊ MSME လုပ်ငန်းများသည် ကျေးလက်နှင့် မြို့ပြဒေသများတွင် စီးပွားရေးဖွံ့ဖြိုးတိုးတက်မှုကို အထောက်အကူပြုရုံသာမက ပြည်သူများ၏ လူမှုစီးပွားဘဝများကို လည်း မြှင့်တင်ပေးနိုင်သည့် အရေးပါသော အင်အားစုတစ်ခုဖြစ်ကြောင်းကို ရှင်းလင်းခြင်း၊ MSME လုပ်ငန်းများကို ပိုမိုအားပေးမြှင့်တင်ရန်နှင့် နိုင်ငံတကာဈေးကွက်သို့ ချိတ်ဆက်နိုင်ရန်အတွက် အစိုးရ၊ ပုဂ္ဂလိကကဏ္ဍနှင့် အခြားအဖွဲ့အစည်းများမှ ပူးပေါင်းဆောင်ရွက်မှုများ ပိုမိုလိုအပ်ကြောင်း နည်းပညာ၊ ငွေကြေးနှင့် ဈေးကွက်အခွင့်အလမ်းများကို ပိုမိုရရှိစေရန်အတွက် မဟာဗျူဟာများချမှတ်၍ အကောင်အထည် ဖော်ဆောင်ရွက်ရန် လိုအပ်ကြောင်း၊ MSME လုပ်ငန်းများ ပိုမိုဖွံ့ဖြိုး တိုးတက်လာပါက မြန်မာနိုင်ငံ၏ စီးပွားရေးဖွံ့ဖြိုးတိုးတက်မှုသည် ပိုမိုမြင့်မားလာမည်ဖြစ်ပြီး ပြည်သူများ၏ လူမှုစီးပွားဘဝများလည်း ပိုမိုတိုးတက်လာမည်ဖြစ်ကြောင်းကို သင်သတန်းသူများအား အကျယ်တဝင့်ရှင်းလင်းဟောပြော ဆွေးနွေးခဲ့ပြီး တက်ရောက်သူ ဒေသတွင်းထုတ်ကုန်လုပ်ငန်းသင်တန်းသူများက သိလိုသည်မျာမေးမြန်းမှုကို ပြန်လည်ဖြေကြားဆွေးနွေးခဲ့ပြီး တက်ရောက်သူ ၃၅ ဦး ရှိကြောင်းသိရသည်။
DOCA(ဧရာဝတီ)