စစ်ကိုင်းတိုင်းဒေသကြီး၊ တိုင်းဒေသကြီးအစိုးရအဖွဲ့ရုံး၌ MSME ဒေသထွက် ထုတ်ကုန်ပြပွဲကျင်းပလျက်ရှိရာ MSME လုပ်ငန်းများ ဆောင်ရွက်ရာတွင် ပြည်တွင်း လိုအပ်ချက်များ ဖြည့်ဆည်းပေးနိုင်ရုံသာ မကဘဲ ပြည်ပနိုင်ငံများသို့ပါ တင်ပို့နိုင်သည့် အရည်အသွေးပြည့်မီသော အဆင့်မီ ထုတ်ကုန်များအဖြစ် ထုတ်လုပ်နိုင်သည်အထိ ဆောင်ရွက်ကြရန် လိုအပ်ကြောင်း နိုင်ငံတော်အကြီးအကဲ၏ လမ်းညွှန်ချက်နှင့်အညီ အရည်အသွေး ပြည့်မီသော ပြည်တွင်း MSME ထုတ်ကုန်အသစ်များ ပေါ်ပေါက်လာစေရေး ရည်ရွယ်ရာ စစ်ကိုင်းတိုင်းဒေသကြီး၊ တိုင်းအစိုးရအဖွဲ့ ဝန်ကြီးချုပ်၏ အစီအမံဖြင့် စီးပွားရေးရာဝန်ကြီးဦးဆောင်၍ MSME ဒေသထွက်ထုတ်ကုန်ပြပွဲကို ဒီဇင်ဘာလ (၁၈)ရက်နေ့ မှ(၂၀)ရက်နေ့အထိ ကျင်းပခဲ့ပါသည်။
အဆိုပါပြပွဲတွင် စစ်ကိုင်းတိုင်းဒေသကြီး၊ သက်ဆိုင်ရာ ဌာနအသီးသီး မှ ဝင်ရောက်ပြသခဲ့ကြပြီး စားသုံးသူရေးရာဦးစီးဌာနမှ လုပ်ငန်းရှင်များနှင့် ချိတ်ဆက်၍ ဒေသထွက်ထုတ်ကုန်များဖြစ်သော ရွှေဘိုပေါ်ဆန်း၊ အရာတော်ထွက်ကုန်မြန်မာ့သနပ်ခါး၊ ပွဲတော်အုပ်လက်ဖက်၊ ချင်းရိုးရာအထည်များအား ပြခန်း(၃)ခန်းဖြင့် ဝင်ရောက် ပြသခဲ့ကြောင်း သိရှိရပါသည်။
DOCA(စစ်ကိုင်း)