ပြည်တွင်းစားသုံးမှုနှင့် ပြည်ပသို့ တင်ပို့သည့်ပဲတီစိမ်းမှာ အရောင်းသွက်သည့် ပဲအမျိုးအစားဖြစ်ပြီး၊ မန္တလေးတိုင်းဒေသကြီးအတွင်း၂၀၂၄-၂၀၂၅ ခုနှစ် ပဲတီစိမ်းစိုက်ပျိုးမှု (၂၇၀၉၅၈)ဧက၊ ရိတ်သိမ်း(၂၅၃၄၄၁)ဧက၊ အထွက်နှုန်း(၁၁.၆၄)တင်းနှင့် အထွက် (၂၉၄၉၀၁၇)တင်းဖြစ်ကြောင်း သိရှိရပါသည်။ မန္တလေးပွဲစား၊ ကုန်သည်၊ စက်ပိုင်များမဟာကထိန်တော်အသင်းတွင် ၂၀၂၅ ခုနှစ်ဒီဇင်ဘာလ ဒုတိယပတ်အတွင်း ဖြစ်ပေါ်လျက်ရှိသောစျေးမှာ ၃တင်းဝင်တစ်အိတ်လျှင် ပဲတီစိမ်း (ညာ) ၃၂၀၀၀၀ ကျပ်နှင့်၃၄၀၀၀၀ကျပ်၊ တစ်ပိဿာစျေးမှာ ပဲတီစိမ်း(ညာ)၅၆၈၉ကျပ် နှင့် ၆၀၄၄ကျပ်တို့ဖြစ်ကြောင်း သိရှိရပါသည်။ ယခင်နှစ်ကာလတူတစ်ပိဿာစျေးမှာ ပဲတီစိမ်း(အညာ)၄၈၀၀ ကျပ် နှင့် ၅၃၃၃ ကျပ်၊ ပဲတီစိမ်း(ပဲခွဲ) ၃၇၃၃ ကျပ်နှင့် ၄၄၄၄ကျပ်တို့ဖြစ်ပေါ်ခဲ့ပြီး၊ ကာလတူစျေးနှိုင်းယှဉ်ပါက ပဲတီစိမ်း(ညာ) ပေါက်စျေးမှာ တစ်ပိဿာလျှင် ၇၁၁ ကျပ်စျေးပိုမိုရရှိကြောင်း သိရပါသည်။
DOCA(မန္တလေး)