၁၁.၁၂.၂၀၂၅ ရက်နေ့တွင် စားသုံးသူ ရေးရာဦးစီးဌာန၊ မွန်ပြည်နယ်၊ ကျိုက်ထိုခရိုင်၊ ကျိုက်ထိုမြို့နယ် တာဝန်ခံသည် စားအုန်းဆီစျေးကွက်အတွင်း ဖြစ်သင့်ဖြစ်ထိုက်သော စျေးနှုန်း များဖြင့် ရောင်းချစေရေး၊ စျေးနှုန်းမြှင့်တင်ရောင်းချမှု မရှိစေရေး၊ ဗီနိုင်းချိတ်ဆွဲရောင်းချစေရေး အတွက် ပြည်ပမှ စားအုန်းဆီများ တင်သွင်းသည့် ကုမ္ပဏီများမှ ဝယ်ယူ၍ ကျိုက်ထိုမြို့နယ် အတွင်း စားအုန်းဆီ လက်လီ၊ လက်ကား ရောင်းချသည့် “Kaung Hlyan New Asia Co. Ltd” ၏ ရွှေ့လျားအရောင်းနေရာ ဇေယျမွန်ရပ်ကွက် (၃) လမ်းအတွင်းရှိ အရောင်းနေရာသို့ ကွင်းဆင်းကြပ်မတ် ဆောင်ရွက်ခဲ့သည်။
အဆိုပါ စားအုန်းဆီများကို သတ်မှတ်ရည်ညွှန်းဈေး၊ သယ်ယူပို့ဆောင်ခစရိတ် အမြတ်၂ ရာခိုင်နှုန်းတို့ဖြင့် လက်လီလက်ကားဆိုင်ခွဲများသို့ ရောင်းချပေးပြီး လက်လီအရောင်း ဆိုင်များကလည်း စားသုံးသူပြည်သူများထံသို့ အမြတ် ၂ ရာခိုင်နှုန်း ရယူ၍ မြို့နယ်အတွင်းရှိ ရပ်ကွက်ကျေးရွာများသို့ လှည့်လည်ရောင်းချပေးလျှက်ရှိရာ စားသုံးသူပြည်သူများအနေဖြင့် ဈေးနှုန်းသက်သာစွာဖြင့် ဝယ်ယူလျှက်ရှိကြောင်း သိရှိရသည်။
DOCA (မွန်)