နိုင်ငံတော်ယာယီသမ္မတ၏ ဧရာဝတီတိုင်းဒေသကြီး ခရီးစဉ်အတွင်း၌ Robusta (မြေနိမ့် ကော်ဖီပင်) များအား တိုးချဲ့စိုက်ပျိုးရန် လမ်းညွှန်မှာကြားခဲ့မှုကြောင့် ပဲခူးတိုင်းဒေသကြီးအတွင်းရှိ ရုံးဌာနများတွင် Robusta (မြေနိမ့်ကော်ဖီပင်)များ စိုက်ပျိုးရန် ပဲခူးတိုင်းဒေသကြီးအစိုးရအဖွဲ့ ဝန်ကြီးချုပ်ရုံးက ၂၅.၁၁.၂၀၂၅ ရက်နေ့တွင် ညွှန်ကြားလာပါသည်။
ထိုညွှန်ကြားချက်အား လိုက်နာဆောင်ရွက်သည့်အနေဖြင့် စားသုံးသူရေးရာဦးစီးဌာန၊ ဒိုက်ဦး မြို့နယ်တာဝန်ခံရုံးတွင် Robusta (မြေနိမ့်ကော်ဖီမျိုးပင်) များကို ဒိုက်ဦးမြို့နယ် စိုက်ပျိုးရေးဦးစီး ဌာနမှ ရယူ၍ ဒိုက်ဦးမြို့နယ်တာဝန်ခံမှ ရုံးအတွင်းတွင် Robusta (မြေနိမ့်ကော်ဖီမျိုးပင်) (၁၀)ပင် အား စိုက်ပျိုးထားရှိကြောင်း သတင်းရရှိပါသည်။ Robusta ကော်ဖီပင်သည် မြေနိမ့်ကော်ဖီပင် အမျိုး အစားဖြစ်ပြီး စိုက်ပျိုးဖြစ်ထွန်းမည်ဆိုပါက အကျိုးကျေးဇူးများ ရရှိမည်ဖြစ်ပြီး စိုက်ပျိုးထုတ်လုပ်သူ များအနေဖြင့် ဝင်ငွေတိုးတက်ရရှိနိုင်ခြင်း၊ အလုပ်အကိုင် အခွင့်အလမ်းများစွာကို ဖန်တီးပေးနိုင်ခြင်း၊ ကော်ဖီပင်ကို အရိပ်ပင်နှင့် ယှဉ်တွဲစိုက်ပျိုးခြင်းကြောင့် သဘာဝပတ်ဝန်းကျင်ကို ထိန်းသိမ်းနိုင်ပြီး ရေရှည်တည်တံ့ခိုင်မြဲသော စိုက်ပျိုးမှုစနစ်ကို ဖော်ဆောင်နိုင်ခြင်း၊ ပြည်ပသို့ ကော်ဖီပို့ကုန်အမယ် သစ် တင်ပို့နိုင်ခြင်း စသည့် အကျိုးကျေးဇူးများ ရရှိနိုင်ကြောင်း သတင်းရရှိပါသည်။
DOCA(ပဲခူး)