စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ဒိုက်ဦးမြို့နယ် တာဝန်ခံရုံးအနေဖြင့် ကုန်ဈေးနှုန်းတည်ငြိမ်ရေးလုပ်ငန်းများ၊ စားသုံးသူကာကွယ်ရေးလုပ်ငန်းများကို အားသွန်ခွန်စိုက် ဆောင်ရွက်လျက်ရှိရာ ၂၁.၁၁.၂၀၂၅ ရက်နေ့တွင် ဒိုက်ဦးမြို့နယ်တာဝန်ခံ ဦးကျော်သက်မိုးသည် ဒိုက်ဦးမြို့နယ်၊ (၆) ရပ်ကွက်ရှိ ဆီကြော်မုန့်လုပ်ငန်း လုပ်ကိုင်သူ လုပ်ငန်းရှင် အား ဈေးကွက်မရောက်မှီ ကုန်စည်များတွင် ကုန်အညွှန်းအမှတ်အသား ပြည့်စုံမှု ရှိ/ မရှိ နှင့် လုပ်ငန်းအခြေအနေများအား တွေ့ဆုံမေးမြန်း ဆွေးနွေးခဲ့ကြောင်း သတင်းရရှိပါသည်။
မြို့နယ်တာဝန်ခံသည် ဆီကြော်မုန့်လုပ်ငန်းရှင်အား လုပ်ငန်းအခြေအနေများ မေးမြန်းခဲ့ရာ ဆီကြော်မုန့်လုပ်ငန်းရှင်က လုပ်ငန်းလုပ်ကိုင်ရာတွင် တွေ့ကြုံရသော အခက်အခဲများနှင့် စိန်ခေါ်မှုများကို တင်ပြရာ မြို့နယ်တာဝန်ခံက မှတ်တမ်းတင်ထားကာ တတ်နိုင်သမျှ ဖြေရှင်း ဆောင်ရွက်ပေးမည်ဖြစ်ကြောင်း ပြောကြားခဲ့ပါသည်။ ထို့နောက် ဆီကြော်မုန့်များတွင် ကုန်အညွှန်းအမှတ်အသား ပြည့်စုံမှု ရှိ/ မရှိ နှင့် လုပ်ငန်းခွင်အား လိုက်လံကြည့်ရှု စစ်ဆေးပြီး လိုအပ်သည်များ စစ်ဆေးမှာကြားခဲ့ကြောင်း သတင်းရရှိပါသည်။
DOCA(ပဲခူး)