မိတ္ထီလာမြို့နယ်၌ ပဲမျိုးစုံစိုက်ပျိုးကြသော်လည်း စားတော်ပဲကို ဒေသတွင်းစိုက်ပျိုးမှုမရှိ၍ ဈေးကွက်အတွင်းစားတော်ပဲများကို မန္တလေးမှအဝင်များပြီး တစ်ပတ်လျှင် အိတ်(၃၀-၅၀)ဝင် ရောက်လျက်ရှိကြောင်းသိရှိရပါသည်။
ဈေးကွက်အတွင်း ယခု ဒီဇင်ဘာလပထမပတ်တွင် စားတော်ပဲတစ်ပြည်လျှင် (၈၅၀၀-၉၀၀၀) ကျပ်၊ စားတော်ပဲ တစ်အိတ်လျှင်(၁၇၅၀၀၀)ကျပ်ဖြင့် အရောင်းအဝယ်ဖြစ်လျက်ရှိပြီး ယခင်လနှင့်ကာလ တူနှိုင်းယှဉ်လျှင် စားတော်ပဲဈေးမှာပြောင်းလဲမှုမရှိဘဲ ဈေးနှုန်းတည်ငြိမ်နေကြောင်း၊ စားတော်ပဲကို စားသောက်ဆိုင်များနှင့် ပဲပြုတ်ရောင်းချသူများမှဝယ်ယူကြပြီး ယခုလတွင်ပဲပြုတ်ရောင်းချသူများမှာ အရောင်းအဝယ်ပါး၍ ဈေးကွက်တွင်စားတော်ပဲ အရောင်းအဝယ်အေးလျက်ရှိကြောင်း ပဲမျိုးစုံ ဈေးကွက် မှသိရပါသည်။
DOCA(မန္တလေး)