မန္တလေးတိုင်းဒေသကြီး ၊ ကျောက်ဆည်ခရိုင်၊ ကျောက်ဆည်မြို့ရှိ အေးမြကြည်လင်စျေးနှင့် မြို့မစျေးများ၌ ရာသီပေါ်ကျွဲဂေါင်းသီးများဝင်ရောက်လာပြီး ရောင်းဝယ်လျက်ရှိကြောင်း၊ မြေပြန့်ဒေသ များတွင် ထွက်ရှိမှုနည်းပါးပြီး တောင်ပေါ်ဒေသများမှ အများဆုံးထွက်ရှိကြောင်း၊ ကျွဲဂေါင်းသီး အစိမ်း ဈေးနှုန်းအနေဖြင့် ယခုလတွင် လက်ကားတစ်ပြည်လျှင် (၅၀၀၀/-)ကျပ်၊ လက်လီတစ်ပြည် လျှင် (၆၀၀၀/-) ကျပ်ခန့် ရောင်းဝယ်လျက်ရှိကြောင်း၊ ကျွဲဂေါင်းသီးကို အစိမ်းလိုက်ဖြစ်စေ၊ ပြုတ်၍ ဖြစ်စေ၊ အခွံနွှာပြီးလျှင် စားကြကြောင်း၊ အတွင်းသား အရသာမှာ ချိုအေး၍ အရည်ရွှမ်း ကြောင်း၊ စားသုံးသူများမှ ရာသီပေါ်လည်းဖြစ် သရေစာလည်းဖြစ် ဆေးဖက်လည်းဝင်တာကြောင့် ဝယ်ယူစားသုံး ကြကြောင်း၊ ကျွဲဂေါင်းသီးမှာ အိုင်အိုဒင်း၊ မဂ္ဂနီဆီယမ်၊ ပိုတက်ဆီယမ်အစရှိသော ဓာတ်များပါဝင်ပြီး လည်ပင်းကြီး ရောဂါနှင့် သိုင်းရိုက်ရောဂါကို ကာကွယ်ပေးနိုင်ကြောင်း၊ တခြားသော အာဟာရဓာတ် တွေ ပါဝင်သည့်အတွက် ဆေးဝါးထုတ်လုပ်ရာတွင် အသုံးပြုကြကြောင်း၊ အရေပြားခြောက်သွေ့ခြင်းနှင့် နှုတ်ခမ်းကွဲခြင်းတို့ကိုလည်း လျော့နည်းစေကြောင်း၊ ကိုယ်ဝန်ဆောင်မိခင်များ စားသုံးရန်သင့်သော အသီးတစ်မျိုးလည်း ဖြစ်ကြောင်း၊ ကျွဲဂေါင်းသီးမှာ ကောင်းကျိုးတွေရှိသည့်အပြင် တန်ဆေးလွန်ဘေး ဆိုသည့်အတိုင်း အလွန်အကျွံမစားသင့်ကြောင်း ရေးသားတင်ပြအပ်ပါသည်။
DOCA(မန္တလေး)