မိုးအကုန်ဆောင်းအကူးတွင် ရာသီပေါ်သီးနှံမျိုးစုံ ထွက်ရှိလျက်ရှိရာ ယခုလတ်တလောတွင် ချဉ်ပေါ်ပင်အား မြေလွတ်၊ မြေရိုင်းများနှင့် လယ်ကန်သင်းဘေးများတွင် စိုက်ပျိုးထားသော ချဉ်ပေါ်ပင် များမှ ချဉ်ပေါင်ဖူးများစတင်ထွက်ပေါ်လျက်ရှိပြီး တောင်သူအများစုက မိသားစုအပိုဝင်ငွေရရှိအောင် ဗမာချဉ်ပေါင်နှင့် အဖူးပါစားသုံးလို့ရသော ဒေသအခေါ ဘိလပ်ချဉ်ပေါင်ပင်များကိုလည်း အများဆုံး စိုက်ပျိုးလာကြပါသည်။ ချဉ်ပေါင်ဖူးသည် အဖူးအခွံအစိမ်းနှင့် အခွံနီချဉ်ပေါင်ဖူးဟူ၍ အမျိုးအစား (၂)မျိုးရှိရာ အစိမ်းရောင် ချဉ်ပေါင်ဖူးမှာ လူကြိုက်များပြီး အရောင်းသွက်ကြောင်း၊ ယခင်နှစ် ဈေးနှုန်းမှာ ချဉ်ပေါင်ဖူး (၁)ပြည်လျှင် (၂၀၀၀/-)ကျပ်ခန့်ရှိပြီး၊ ယခုနှစ်တွင် (၁)ပြည်လျှင် (၄၀၀၀/-) ကျပ်အထိ ရောင်းချရကြောင်း၊ ချဉ်ပေါင်ဖူးများကို ခူးဆွတ်ပြီး အစေ့နှင့်အဖူးအခွံအဖြစ် ပြန်လည်ခွဲ ထုတ် ပေးရကြောင်း၊ (၁)ပြည်လျှင် အခွံခွာခ (၅၀၀/-)ကျပ် ပေးရကြောင်း၊ ချဉ်ပေါင်ပင်ပေါ်မူတည်၍ ချဉ်ပေါင်အထွက်နှုန်း ကွာခြားကြောင်း၊ ချဉ်ပေါင်ဖူးကို ပုဇွန်ခြောက်၊ မြေပဲဆံတို့ဖြင့်ရော၍ စားသုံး ကြကြောင်း၊ အစေ့ထုတ်ပြီး ချဉ်ပေါင်ဖူးများကို မြို့မဈေးအတွင်းရှိ ကုန်စိမ်းအရောင်းဆိုင် များမှ လာရောက်ဖောက်သည်ယူ၍ တစ်ဆင့်ပြန်လည်ရောင်းချကြောင်း၊ ယခုနှစ်တွင် ချဉ်ပေါင်စိုက် တောင်သူများသည် ဈေးကောင်းရရှိသောကြောင့် မိသားစုအပိုဝင်ငွေရရှိ၍ အဆင်ပြေလျက်ရှိသော ကြောင့် ချဉ်ပေါင်ဖူးပင်များကို ပိုမိုတိုးချဲ့စိုက်ပျိုးသင့်ပါကြောင်း ရေးသားတင်ပြအပ်ပါသည်။
DOCA(မန္တလေး)