အင်ဒိုနီးရှားနိုင်ငံကုန်သွယ်ရေးဝန်ကြီး Budi Santoso ကအင်ဒိုနီးရှား-တူနီးရှားဦးစားပေး ကုန်သွယ်ရေးသဘောတူညီချက် (IT-PTA) ကို ၂၀၂၆ ခုနှစ် ဇန်နဝါရီလတွင် လက်မှတ်ရေးထိုးရန် စီစဉ်ထားကြောင်း ပြောကြားခဲ့ပါသည်။ ထို PTA သည် အကောက်ခွန်လျော့ချခြင်းနှင့် ဖြတ်သိမ်း ခြင်းတို့ပါဝင်သည့် ကုန်စည်များ၊ အကောက်ခွန်လုပ်ငန်းစဉ်များနှင့် ကုန်သွယ်မှုလွယ်ကူချောမွေ့ စေခြင်းတို့အပေါ်လွှမ်းခြုံထားကြောင်း သိရပါသည်။ Santoso က ထိုသဘောတူညီချက်သည် မြောက်အာဖရိကနှင့် မြေထဲပင်လယ်ဒေသသို့ အင်ဒိုနီးရှား၏ပို့ကုန်ဈေးကွက်တိုးချဲ့ရန်နှင့် ကွဲပြား ရန်အတွက် အခွင့်အလမ်းများကိုဖန်တီးပေးလိမ့်မည်ဖြစ်ကြောင်း ပြောကြားခဲ့ပါသည်။ ၂၀၂၄ ခုနှစ်တွင် အင်ဒိုနီးရှားနှင့် တူနီးရှားအပြန်အလှန်ကုန်သွယ်မှုတန်ဖိုးမှာ အမေရိကန်ဒေါ်လာ ၁၆၉.၃ သန်းရှိခဲ့ပြီး ရင်းနှီးမြှုပ်နှံမှုတန်ဖိုးမှာ အမေရိကန်ဒေါ်လာ ၁.၁ ဘီလီယံတန်ဖိုးရှိခဲ့ကြောင်း သိရပါသည်။ IT-PTA သည် တူနီးရှားတွင် အင်ဒိုနီးရှားထုတ်ကုန်များ၏ ယှဉ်ပြိုင်နိုင်စွမ်း အားကောင်းရန်နှင့် ဦးစားပေးအကောက်ခွန်များမှတစ်ဆင့် MSME လုပ်ငန်းများအတွက် ပို့ကုန်အခွင့်အလမ်းများကို တိုးချဲ့ပေးနိုင်ရန်မျှော်မှန်းရကြောင်း သိရပါသည်။ ကုန်သွယ်ရေးကို ကျော်လွန်၍ သဘောတူညီချက်သည် အပြန်အလှန်ပူးပေါင်းဆောင်ရွက်မှုနက်ရှိုင်းရန်အတွက် စင်မြင့်တစ်ခုအဖြစ်ဆောင်ရွက်ပေးနိုင်ရန် မျှော်မှန်းရကြောင်း သိရပါသည်။ Santoso က စီးပွားရေးလုပ်ငန်းရှင်များအား အင်ဒိုနီးရှား၏အပေါင်းလက္ခဏာဆောင်သော ပို့ကုန်စွမ်းရည်ကို ထိန်းသိမ်းရန်အတွက် ထိုအခွင့်အလမ်းများကို ရယူရန်တိုက်တွန်းခဲ့ကြောင်း သိရပါသည်။ အင်ဒိုနီးရှားသည် ၎င်းတို့၏ကတိကဝတ်ဖြစ်သည့် ကုန်သွယ်ရေးတံခါးဖွင့်လှစ်ထားမှုနှင့် နိုင်ငံတကာပူးပေါင်းဆောင်ရွက်မှုနှင့်အတူ ကမ္ဘာလုံးဆိုင်ရာဈေးကွက်ကို ဆက်လက်တိုးချဲ့သွားမည်ဟု သိရပါသည်။ နိုင်ငံသည် ဥရောပသမဂ္ဂ၊ ကနေဒါ၊ ယူရေးရှန်းစီးပွားရေးယူနီယံနှင့် ပီရူးတို့ပါဝင်သော များစွာသောကုန်သွယ်ရေးသဘောတူညီချက်များကို လက်မှတ်ရေးထိုးခဲ့ပြီးဖြစ်ကြောင်း သိရပါသည်။
Antara News
DOCA (ရန်ကုန်)