အမေရိကန်နှင့် တရုတ်နိုင်ငံတို့မှ ခိုင်မာသော ပို့ကုန်ဝယ်လိုအားကြောင့် ဩစတြေးလျ၏ ၂၀၂၅ ခုနှစ် အမဲသားထုတ်လုပ်မှုသည် စံချိန်တင်ပမာဏဖြင့် စတင်မည်ဖြစ်ကြောင်း ဒီဇင်ဘာလ ၁ ရက်နေ့ထုတ်ပြန်သော စက်မှုလုပ်ငန်းအစီရင်ခံစာအရ သိရှိရပါသည်။
စိုက်ပျိုးရေးလုပ်ငန်းဆိုင်ရာ ဘဏ္ဍာရေးဝန်ဆောင်မှုပေးသူ Rabobank ၏ RaboResearch ဌာနခွဲက ၂၀၂၅ ခုနှစ် ဩစတြေးလျအမဲသားထုတ်လုပ်မှုသည် ၂၀၂၄ ခုနှစ်ထက် ၁၁ ရာခိုင်နှုန်းတိုးလာကာ မက်ထရစ်တန်ချိန် ၂.၉ သန်းခန့် ရှိမည်ဟု ခန့်မှန်းထားပြီး စံချိန်သစ်တင်မည်ဖြစ်သည်။
အမဲသားတင်ပို့မှုသည်လည်း ၂၀၂၅ ခုနှစ်၏ ပထမ ၁၀ လတာကာလအတွက် ၁၅ ရာခိုင်နှုန်း တိုးလာခဲ့ပြီး တင်ပို့ခဲ့သည့် အလေးချိန် မက်ထရစ်တန် ၁.၃ သန်းအထိ ရောက်ရှိခဲ့ကြောင်း Rabobank ၏ Q4 2025 Global Beef Quarterly မှ သိရသည်။
အမေရိကန်ပြည်ထောင်စုသည် အကြီးဆုံးဈေးကွက်အဖြစ် ဆက်လက်တည်ရှိနေပြီး ဩစတြေးလျမှ အမဲသားတင်ပို့မှု၏ ၂၉ ရာခိုင်နှုန်းကို ရယူထားကြောင်း အစီရင်ခံစာ၏ ဦးဆောင်ရေးသားသူ၊ RaboResearch မှ အကြီးတန်းတိရစ္ဆာန်ပရိုတင်းဆိုင်ရာ လေ့လာဆန်းစစ်သူ Angus Gidley-Baird က ပြောကြားခဲ့သည်။
တရုတ်နိုင်ငံသို့ တင်ပို့သည့် ပမာဏသည် ၂၀၂၅ ခုနှစ်၏ ပထမ ၁၀ လတာကာလအတွက် ၄၄ ရာခိုင်နှုန်း မြင့်တက်ခဲ့ပြီး တရုတ်နိုင်ငံသို့ အမဲသားတင်ပို့မှု ၅၈ ရာခိုင်နှုန်း ခုန်တက်ခဲ့ခြင်းက မြှင့်တင်ပေးခဲ့ကြောင်း Gidley-Baird က ပြောကြားခဲ့သည်။ ရာသီဥတုအခြေအနေများသည် ဩစတြေးလျနွားဈေးကွက်၏ အဓိကလက်ရှိမောင်းနှင်အားဖြစ်ကြောင်း သိရှိရပါသည်။
Source : Xinhua
DOCA (ရန်ကုန်)