ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၌ ၂၀၂၅-၂၀၂၆ဘဏ္ဍာနှစ် မိုးစပါးလျာထားစိုက်ဧက (၈၈၀၈၇)ဧကအား အောင်မြင်ဖြစ်ထွန်းစွာဖြင့် ရာနှုန်းပြည့်စိုက်ပျိုးနိုင်ခဲ့ကြောင်း၊ မြို့နယ်စိုက်ပျိုးရေးဦးစီးဌာနမှ သိရှိခဲ့ရပြီး ယခုအချိန်တွင် ရပ်ကွက်/ ကျေးရွာအုပ်စုများရှိ လယ်ယာမြေများ စတင်ရိတ်သိမ်းခြွေလှေနေပြီးဖြစ်ကြောင်း သိရသည်။
ကော့မှူးမြို့နယ်၌ မိုးသီးနှံစိုက်ပျိုးရာသီတွင် ဒေသခံတောင်သူများအနေဖြင့် သီးနှံဝင်ငွေ တိုးပွားစေရန်နှင့် ပြည်တွင်းစားသုံးသူမှုဖူလုံစေရန်နှင့် ပြည်ပသို့တင်ပို့နိုင်ရေးအတွက် ရည်ရွယ်၍ မိုးစပါးသီးနှံ တစ်မြို့နယ်လုံး လျာထားစိုက်ပျိုးမှုအနေဖြင့် (၈၈၀၈၇)ဧက ရာနှုန်းပြည့်အောင်မြင် စွာ စိုက်ပျိုးနိုင်ခဲ့ပြီး နိုဝင်ဘာလကုန်ပိုင်းကာလများတွင် စတင်ရိတ်သိမ်းခြွေလှေလျက်ရှိပြီး တစ်ဧကပျမ်းမျှအထွက်နှုန်း ကောင်းမွန်စေရန်အတွက် စိုက်ပျိုးရေးကြီးကြပ်မှုအဖွဲ့များ သက်ဆိုင်ရာဆက်စပ်ဌာများက လိုအပ်သော စိုက်ပျိုးရေးနည်းပညာများ သွင်းအားစုများ ကူညီဆောင်ရွက်ပေးခဲ့ကြသဖြင့် ယခုလို မိုးစပါးသီးနှံများ အထွက်နှုန်းကောင်းမွန်ခဲ့ကြောင်း သိရှိရပါသည်။
DOCA(ရန်ကုန်)