ဧရာဝတီတိုင်းဒေသကြီး၊ ဖျာပုံခရိုင် ၊ ဖျာပုံမြို့နယ်တွင် (၂၅.၁၁.၂၀၂၅) ရက်နေ့၊ နံနက် (၁၁:၃၀) နာရီအချိန်တွင် FDA ဦးဆောင်မှုဖြင့် စားသုံးသူရေးရာဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်ရဲတပ်ဖွဲ့၊ အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့တို့ ပါဝင်သော ပူးပေါင်းအဖွဲ့သည် ဖျာပုံမြို့ပေါ်တွင် ရောင်းချနေသော အသင့်စား ပေါင်မုန့်၊ ကိတ်မုန့်များအား ကွင်းဆင်းစိစစ်ခဲ့ကြပါသည်။
အဆိုပါ ကွင်းဆင်းစိစစ်မှုတွင် စားသုံးသူရေးရာဦးစီးဌာနမှ ဒု-ခရိုင်ဦးစီးမှူး ဦးစိုးမင်းထိုက်က သက်တမ်းလွန် အသင့်စားမုန့်များ၊ ကုန်အညွှန်းအမှတ်အသား မပြည့်စုံသော မုန့်များ၊ စားသုံးသူဘေးအန္တရာယ်ကင်းရှင်းစေရေးအတွက် ရောင်းချနေသော ပေါင်မုန့်၊ ကိတ်မုန့်များတွင် ကြာရှည်ခံဆေးများ ပါဝင်မှုမရှိစေရေး၊ “မှို” ပါဝင်ခြင်း ရှိ/မရှိ တို့ကိုပါ ဌာနဆိုင်ရာ ပူးပေါင်းအဖွဲ့ဖြင့် ကွင်းဆင်းစိစစ်ခဲ့ကြောင်း သတင်းရရှိပါသည်။
DOCA(ဧရာဝတီ)