စားသုံးသူရေးရာဦးစီးဌာန ၊ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ခုနှစ်၊ နိုဝင်ဘာလ (၂၁) ရက်နေ့၊ နံနက် (၁၀:၀၀) နာရီ အချိန်တွင် (၄) ရပ်ကွက် ၊ ပိတောက်လမ်းရှိ ဒေါ်တင်ဝေ ပိုင် “စည်းစိမ်” ခေါက်ဆွဲဖိုသို့ ထုတ်ကုန်လုံခြုံစိတ်ချရမှုနှင့် MSMEs လုပ်ငန်း ဖွံ့ဖြိုးရေး ကွင်းဆင်းစိစစ်ခဲ့ကြပါသည်။
“စည်းစိမ်” ခေါက်ဆွဲဖို လုပ်ငန်းမှာ စားသောက်ကုန်ဖြစ်ပြီး ဆန်ကြမ်းဖြင့် ထုတ်လုပ်သော ထုတ်ကုန်ပစ္စည်းဖြစ်ပါသည်။ တစ်နေ့ အသုံးပြုမှု အနေဖြင့် ဆန်ကြမ်းအိတ် (၁) အိတ်ခွဲ အသုံးပြုရပြီး မုန့်ပိဿာချိန် (၇၀) ထွက်ရှိပါသည်။ ဈေးနှုန်းဈေးကွက် အနေဖြင့် တစ်ပိဿာလျှင် (၂၈၀၀) ခန့် မြို့နယ်အတွင်း၌သာ ရောင်းချပါသည်။ လုပ်သားဦးရေ (၅) ဦးထားရှိပြီးတစ်လလျှင် လုပ်ခအနေဖြင့် (၂) သိန်းကျပ်ပေးရပါသည်။
ထို့နောက် မြို့နယ်တာဝန်ခံမှလည်း ထုတ်လုပ်သောကုန်စည်နှင့် ပက်သက်၍ စားသုံးသူများ ဘေးအန္တရာယ်ကင်းရှင်းစေရေးအတွက် ဓာတုဆိုးဆေးများ အသုံးပြုမှုမရှိစေရေး ၊ အလေးချိန် အချိန်အတွယ် ပြည့်မီမှန်ကန်စေရေး တို့အတွက် ကွင်းဆင်းစိစစ်ခဲ့ကြောင်း သတင်းရရှိပါသည်။
(Doca ဧရာဝတီ)