ဧရာဝတီတိုင်းဒေသကြီး၊ စားသုံးသူရေးရာဦးစီးဌာနမှ မအူပင်ခရိုင်ဦးစီးမှူးရုံးလက်အောက်ရှိ ဓနုဖြူမြို့နယ်တာဝန်ခံရုံးမှ ဦးခိုင်လွမ်းမိုးသည် ရပ်ကျေးအဖွဲ့များ၊ စည်ပင်သာယာရေးအဖွဲ့၊ စက်မှုကြီးကြပ်ဌာနတို့နှင့်အတူ ၂၁-၁၁-၂၀၂၅ ရက်နေ့၊ နံနက်( ၁၀:၀၀ )နာရီအချိန်တွင် ဓနုဖြူမြို့နယ် ငါးဘတ်အိုင်ကျေးရွာ အုပ်ချုပ်ရေးမှူးရုံးတွင် စားသုံးဆီ ဖြန့်ဖြူးရောင်းချသူ လုပ်ငန်းရှင် (၁၂)ဦးနှင့် တွေ့ဆုံ၍ စားသုံးသူကာကွယ်ရေး အသိပညာပေး ဆောင်ရွက်ခဲ့ပါသည်။
အဆိုပါဟောပြောပွဲတွင် ဓနုဖြူမြို့နယ်တာဝန်ခံရုံးမှ ဦးခိုင်လွမ်းမိုးက တက်ရောက်လာသည့် လုပ်ငန်းရှင်တို့အား စားသုံးဆီ အမှတ်တံဆိပ် (ဗူးဆီ)များနှင့်ပတ်သက်၍ မြန်မာဘာသာဖြင့် ဖော်ပြထားသော ကုန်အညွန်းအမှတ်အသားများနှင့်၊ FDA ထောက်ခံချက်ပါ သော ဆီဘူးများကို ရောင်းချရန်နှင့် ကုန်စည်ထုတ်လုပ်ဖြန့်ဖြူးရောင်းချရာတွင် မြန်မာဘာသာဖြင့် ပြည့်စုံအောင် ဖော်ပြရမည်ဖြစ်ပြီး၊ ကုန်အညွှန်းအမှတ်အသားဖော်ပြပါဝင်သော ကုန်စည်များကို ရောင်းချရန်၊ တရားမဝင်ကုန်စည်များကို ဈေးကွက်အတွင်း ရောင်းခြင်းမပြုရန်၊ စားသုံးသူကာကွယ်ရေးဥပဒေ၏ စီးပွားရေးလုပ်ငန်းရှင်တို့ လိုက်နာရမည့်တာဝန်၊ တားမြစ်ချက်များကို လိုက်နာဆောင်ရွက်ရန် သက်ဆိုင်ရာထားဌာများမှ ဖော်ပြရန် သတ်မှတ်ထားသော အချက်အလက်များပါဝင် သည့် ကုန်စည်များအကြောင်းကို အသိပညာပေးဟောပြောဆွေးနွေးခဲ့သည်ဟု သတင်းရရှိပါသည်။
DOCA(ဧရာဝတီ)