ရှမ်းပြည်နယ် စားသုံးသူရေးရာဦးစီးဌာနမှ စစ်ဆေးရေးအရာရှိများသည် ၂၀၂၅ခုနှစ်၊ နိုဝင်ဘာလ(၂၇) ရက်နေ့၌ Online မှတစ်ဆင့် မှတ်ပုံတင်လျှောက်ထားသည့် တောင်ကြီးမြို့၊ ဘုရားဖြူရပ်ကွက်၊ သီရိမင်္ဂလာလမ်း၊ အမှတ်(၂/၁၈၇-ခ)ရှိ အော်ဒရီ အလှကုန်နှင့် လူသုံးကုန်ရောင်းဝယ်ရေးလုပ်ငန်း နှင့် လမ်းမတော် ရပ်ကွက်၊ ဗိုလ်ချုပ်အောင်ဆန်းလမ်း၊ ရဲစခန်းတိုက်တန်း၊ အမှတ်(၄၀/၄၁)ရှိ နယူးစတားမျက်မှန်အရောင်းဆိုင် တို့အား ကွင်းဆင်းစစ်ဆေးခဲ့ပါသည်။
စစ်ဆေးရာတွင် Online မှတစ်ဆင့် မှတ်ပုံတင်လျှောက်ထားသည့် စာရွက်စာတမ်း များဖြစ်သော ပိုင်ရှင်၏ဓာတ်ပုံ၊ ဖုန်းနံပါတ်၊ လိပ်စာ၊ ရပ်ကွက်ထောက်ခံစာ၊ ပြစ်မှုကင်းရှင်းကြောင်း ရဲစခန်း ထောက်ခံစာများအား မြေပြင်တွင်တိုက်ဆိုင်စစ်ဆေးခဲ့ပြီး လုပ်ငန်းရှင်အား စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အမိန့်ကြော်ငြာစာအမှတ်(၅၀/၂၀၂၃)ဖြင့် မည်သူမဆို Online စနစ်ဖြင့် ရောင်းချခြင်း လုပ်ငန်းကို ကုန်သွယ်ရေးဦးစီးဌာန၌ Online မှတ်ပုံတင်ခြင်းဆောင်ရွက်ရန်နှင့် Online မှတ်ပုံတင် လက်မှတ်လျောက်ထားရာတွင် လိုက်နာဆောင်ရွက်ရမည့်သတ်မှတ်ချက်များနှင့် ပူးတွဲတင်ပြရမည့် အချက်များ၊ မှတ်ပုံတင်လက်မှတ်ရရှိသူမှလိုက်နာရမည့်တာဝန်များအား အသိပညာပေးဆွေး နွေးခဲ့ပါသည်။ ဆက်လက်၍ မှတ်ပုံတင်လက်မှတ်မရှိဘဲ အွန်လိုင်းစနစ်ဖြင့် ရောင်းချခြင်းလုပ်ငန်းကို ဆောင်ရွက်ပါက အရေးကြီးကုန်စည် နှင့်ဝန်ဆောင်မှုဥပဒေ ပုဒ်မ ၅ အရ အရေးယူဆောင်ရွက်ခံရမည့် အချက်များအားလည်း ရှင်းလင်းဆွေးနွေး အသိပညာပေးခဲ့ကြောင်း သတင်းရရှိပါသည်။
DOCA (ရှမ်း