နံနံပင်သည် မြန်မာနိုင်ငံနေရာအနှံအပြားတွင် ဟင်းခတ်အမွှေးအကြိုင်အဖြစ် အသုံးပြုရန် စိုက်ပျိုးရောင်းချကြပြီး နံနံစေ့သည်လည်းဈေးကွက်ဝင် ဆေးဖက်ဝင်ကြောင်း၊ နံနံစေ့သည် ဗီတာမင်ကေပါဝင်၍ အရိုးပွရောဂါကိုကာကွယ်သလို နှလုံးရောဂါဖြစ်နိုင်ချေကို လျော့နည်းစေပြီး Antioxidants သည်ခန္ဓာကိုယ်ရောင်ရမ်းမှုကို လျော့ချစေပြီး ကင်ဆာဆဲလ်ကြီးထွားမှု ကိုနှေးကွေး စေ၍ အိုမင်းရင့်ရော်ခြင်း လက္ခဏာများကို လျော့နည်းစေကြောင်း၊ ဗီတာမင်အေများစွာ ပါဝင်သောကြောင့် မျက်စိအမြင်အာရုံကို ကြည်လင်စေကြောင်း၊ လိပ်ခေါင်းရောဂါခံစားနေရပါက နံနံစေ့ကို အနံ့မွှေးလာသည်အထိလှော်၍ နံနံစေ့အခြောက်မှုန့် လက်ဖက်ရည်တစ်ဇွန်းခန့်ကို အရက်ဖြူ တစ်ပတ်ဖြင့် သမအောင်မွှေပြီး ထိုရောစပ်ထားသောအရည်ကို တစ်နေ့လျှင်မနက်၊ နေ့လည်၊ ညနေ (၃)ကြိမ် ခွဲ၍ တစ်ပတ်ခန့် ဆက်တိုက်သောက်သုံးပေးခြင်းဖြင့် ရောင်ရမ်းနေသော လိပ်ခေါင်းရောဂါ ကျုံ့ဝင်လာပြီးခြောက်သွေ့ကာ သက်သာပျောက်ကင်းကြောင်း၊ လိပ်ခေါင်းကြောင့် ဝမ်းသွားစဉ်သွေးထွက်ခြင်းများပင် လုံးဝပျောက်ကင်းသွားပြီး ဘေးထွက်ဆိုးကျိုးနည်း၍ ရိုးရှင်းသောသဘာဝ ဆေးနည်းအား အသုံးပြုသင့်သည်။
DOCA(မန္တလေး)