ကြိမ်စေ့လှော်သည် မြန်မာနိုင်ငံတွင်ရေပန်းစားသော သွားရေစာတစ်မျိုးဖြစ်၍ ကြိမ်ပင်များမှ ထွက်သောအစေ့များကို လှော်ထားခြင်းဖြစ်ကြောင်း၊ တောင်ကုန်းတောင်တန်း ဒေသများဖြစ်သော ရှမ်းပြည်နယ်၊ ကယားပြည်နယ်၊ ကရင်ပြည်နယ်နှင့် ချင်းပြည်နယ်များတွင်ကြိမ်ပင် များပိုမို စိုက်ပျိုးထွက်ရှိကြောင်း သိရှိရသည်။ မြင်းခြံမြို့၊အေးမြသီတာဈေးတွင်ရောင်းချနေသော ကြိမ်စေ့ လှော်များကို ရှမ်းပြည်နယ်၊ တောင်ကြီးမြို့တို့မှ မှာယူရောင်းချ၍ ဒေသတွင်းဖြန့်ဖြူး ရောင်းချကြောင်း၊ ၂၀၂၅ခုနှစ်၊ နိုဝင်ဘာလ၌ ကြိမ်စေ့လှော် နို့ဆီဗူးတစ်ဗူးလျှင်(၃၀၀၀)ကျပ်၊ တစ်ပြည်လျှင် (၂၀၀၀၀) ကျပ်ခန့်ပေါက်ဈေးများဖြင့် ရောင်းချကြောင်း၊ ယခင်လအတိုင်း ဈေးနှုန်းများ တည်ငြိမ် လျက်ရှိကြောင်း၊ ကျန်းမာရေးနှင့် ညီညွတ်သည့် အဆီဓာတ်များ ပါဝင်သောကြောင့် နှလုံးကျန်း မာရေးကိုအကျိုးပြုပြီး ပရိုတင်းဓာတ်ကြွယ်ဝသောကြောင့် ခန္ဓာကိုယ်ကြီးထွားရန်နှင့် ကြွက်သား ဖွံ့ဖြိုးမှုကိုအထောက်အကူပြုကြောင်း၊ ကြိမ့်စေ့လှော်သည် အာဟာရဓာတ် ကြွယ်ဝသဖြင့်ကယ်လိုရီပါဝင်မှုမြင့်မားသောကြောင့် လွန်ကဲစွာစားသုံးပါက ကိုယ်အလေးချိန် တက်နိုင်သဖြင့် သင့်တင့်မျှတစွာ စားသုံးသင့်ပါကြောင်း သိရှိရသည်။
DOCA(မန္တလေး)