ဇောင်ချမ်းချဉ်သည် အညာသူအညာသားများ ကြိုက်နှစ်သက်သည့် ဟင်းလျာတစ်မျိုး ဖြစ်ကြောင်း၊ မြင်းခြံမြို့၊ အေးမြသီတာဈေးတွင် ရောင်းချနေသော ရာသီစာဇောင်ချမ်းချဉ်များသည် တောင်သာမြို့ရှိကျေးရွာများမှ လာရောက်ရောင်းချကြောင်း၊ ၂၀၂၅ ခုနှစ်၊ နိုဝင်ဘာလ၌ ဇောင်ချမ်းချဉ် ၂၅ ကျပ်သားလျှင် (၄၅၀၀-၅၀၀၀) ကျပ်ခန့်ပေါက် ဈေးများရှိကြောင်း၊ အောက်ပြည် အောက်ရွာမှထွက်ရှိသော ပုစွန်ချဉ်၊ ငါးဖယ်ချဉ်များစားကြသလို အညာဒေသမှာလည်း ရာသီပေါ် ဇောင်ချမ်းချဉ် ဟင်းလျာကိုမက်မက်မောမော ကြော်ချက်စားသုံးကြကြောင်း၊ စားသုံးမှုများ၍ လူကြိုက်များပြီး အရောင်းအဝယ်ကောင်းကြောင်း ဇောင်ချမ်းချဉ်ရောင်းချသူတစ်ဦး၏ ပြောပြချက်အရသိရှိရသည်။ အညာဒေသအစားအစာဖြစ်သော ဇောင်ချမ်းချဉ်ပင်သည် အပူပိုင်းဒေသ များတွင်အလေ့ကျပေါက်လေ့ရှိပြီး ၎င်းအပင်၏ အသီးရဲ့အနှစ်ကို အချဉ်စိမ်ကာ ကြော်ချက်စားသုံး ခြင်းဖြစ်ကြောင်း၊ထမင်းအရမ်းမြိန်ပြီးမြန်မာဟင်းလျာများ၌ဆွဲဆောင်မှုအရှိဆုံးသောအညာစာဟင်းတစ်ခွက်ဖြစ်ကြောင်းသိရှိရသည်။ DOCA(မန္တလေး)