၂၀၂၅ ခုနှစ် ဇန်နဝါရီလမှ အောက်တိုဘာလအထိ ကာလအတွင်း ကမ္ဘောဒီးယားနိုင်ငံ၏ ဥရောပသမဂ္ဂ (EU) သို့ ပို့ကုန်ပမာဏသည် အမေရိကန်ဒေါ်လာ ၄,၂၁၅ သန်းရှိပြီး ၂၀၂၄ ခုနှစ် အလားတူကာလ အမေရိကန်ဒေါ်လာ ၃,၅၉၃ သန်းရှိခဲ့ရာမှ ၁၇.၃၂ ရာခိုင်နှုန်းနီးပါး မြင့်တက်လာခဲ့ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ အစီရင်ခံစာတွင် ဖော်ပြထားသည်။ စပိန်၊ ဂျာမနီနှင့် နယ်သာလန်နိုင်ငံတို့သည် EU တွင် ကမ္ဘောဒီးယား၏ အကြီးဆုံးကုန်သွယ်ရေးမိတ်ဖက်များဖြစ်ပြီး နှစ်နိုင်ငံကုန်သွယ်မှုပမာဏ အမေရိကန်ဒေါ်လာ ၁,၀၀၈ သန်း၊ အမေရိကန်ဒေါ်လာ ၉၃၃ သန်းနှင့် အမေရိကန်ဒေါ်လာ ၈၄၄ သန်း အသီးသီး ရှိခဲ့သည်။ EU သို့ ပို့ကုန်ပမာဏ သိသိသာသာ မြင့်တက်လာခြင်းသည် ကမ္ဘောဒီးယား၏ ထုတ်ကုန်များတွင်ယှဉ်ပြိုင်နိုင်စွမ်းရှိပြီး ပိုမိုကြီးမားသော ကြိုတင်မှာယူမှုများကို ဖြည့်ဆည်းပေးနိုင်ပြီး ကြီးထွားလာသော ဥရောပဝယ်လိုအားကို ဖြည့်ဆည်းပေးနိုင်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ အတွင်းရေးမှူး Penn Sovicheat က ပြောကြားခဲ့သည်။ အစီရင်ခံစာအရ ၂၀၂၅ ခုနှစ်၊ ဇန်နဝါရီလမှ အောက်တိုဘာလအထိ EU မှ နိုင်ငံတော်သို့ တင်သွင်းမှုမှာ အမေရိကန်ဒေါ်လာ ၇၃၇ သန်းရှိပြီး ၂၀၂၄ ခုနှစ် ကာလတူနှင့် နှိုင်းယှဉ်ပါက ၈.၇၆ ရာခိုင်နှုန်း ကျဆင်းခဲ့ကြောင်း သိရှိရပါသည်။
Source: Khmer Times
DOCA(ရန်ကုန်)