ထန်းပင်မြစ်များကို အညာဒေသ၌ ထန်းမြစ်(သို့မဟုတ်) ထန်းပင်ပေါက် ဟုခေါ်ဆိုကြ ကြောင်း၊ မြင်းခြံမြို့၊အေးမြသီတာဈေးသို့ ရောင်းချသော ထန်းပင်မြစ်များကို ဒေသတွင်းမှထွက်ရှိသော ကျေးရွာများမှလာရောက်ရောင်းချသလို တောင်သာမြို့၊ နွားထိုးကြီးမြို့တို့မှလည်း လာရောက်ရောင်းချကြောင်း၊ ၂၀၂၅ခုနှစ်၊ နိုဝင်ဘာလ၌ ထန်းပင်မြစ် လက်လီ(၁၀)ချောင်းပါ တစ်စည်းလျှင်(၁၀၀၀)ကျပ်၊ လက်ကား (၅၀)ချောင်းပါ တစ်စည်းလျှင်(၄၅၀၀)ကျပ် ခန့်ပေါက် ဈေးများဖြင့် ရောင်းချကြောင်း၊ ရာသီပေါ်ထန်ပင်မြစ်များသည် ပေါ်ဦးပေါ်ဖျားဖြစ်၍ စားသုံးမှုများ ပြားပြီး ဈေးကွက်၌ အရောင်းအဝယ် သွက်လျက်ရှိကြောင်း၊ နေ့စဉ်ထန်းပင်မြစ် အရေအတွက် (၅၀-၁၀၀) ချောင်းခန့် ရောင်းချရကြောင်း၊ ထန်းပင်မြစ်ရောင်းချသူတစ်ဦး၏ ပြောပြချက်အရသိရှိရသည်။ ထန်းပင်မြစ်များသည် ထန်းသီးစေ့မှ ထွက်ရှိလာသော အမြစ်ချောင်းများဖြစ်ပြီး ဆောင်းရာသီကာလ တွင်သာရရှိသည့် ရာသီစာတစ်မျိုးဖြစ်သလို အညာဒေသ၌ ထွက်ရှိသောအစားအစာ တစ်မျိုးပင်ဖြစ်ကြောင်းသိရှိရသည်။
DOCA(မန္တလေး)