မြင်းခြံမြို့၊အေးမြသီတာဈေး၌ ဟင်းသီးဟင်းရွက်မျိုးစုံ ရောင်းချလျက်ရှိသည့်အနက် စားဖိုဆောင်သီးနှံဖြစ်သော ချဉ်ပေါင်ဖူးသီးနှံများကိုလည်း ရောင်းချလျက်ရှိကြောင်း၊ ၂၀၂၅ခုနှစ်၊ နိုဝင်ဘာလ၌ ချဉ်ပေါင်ဖူး ၂၅ ကျပ်သားလျှင်(၁၅၀၀)ကျပ်ခန့် ပေါက်ဈေးများဖြင့် ရောင်းချ လျက်ရှိကြောင်း၊ ရာသီပေါ်ဖြစ်၍ စားသုံးမှုများပြားပြီး အရောင်းအဝယ်ဖြစ်လျက် ရှိကြောင်း၊ ချဉ်ပေါင်ဖူးသည် အာဟာရကြွယ်ဝပြီး ကိုယ်ခံအားကိုမြှင့်တင်ပေးခြင်း၊ ကိုလက်စထရော နှင့် သွေးတွင်းအဆီများကျစေပြီး တုပ်ကွေးနှင့်အအေးမိရောဂါကိုကာကွယ်ပေးကြောင်း၊ ဗီတာမင်စီကြွယ်ဝသောကြောင့် အသားအရေကြည်လင်ဝင်းပကြောင်း၊ စားသုံးမှုအနေဖြင့် ချဉ်ပေါင် ဖူးကိုမြေပဲထောင်း၊ ပဲကျက်မှုံ၊ဆီချက်တို့ဖြင့် သုပ်စားခြင်း၊ ပုစွန်တို့ဖြင့်ကြော်ချက်စားခြင်း၊ ထောင်းစားခြင်း၊ ချဉ်ပေါင်ဖူးဖျော်ရည်ခြင်း၊ ဟင်းရည်ချက်ခြင်းနှင့် ရေနွေးကြမ်းအနေဖြင့်လည်းသုံးဆောင်နိုင်ကြောင်း အမျိုးမျိုးပြုလုပ်စားသုံးကြသောကြောင့် ဈေးကွက်တစ်ခုအဖြစ် ရောင်းဝယ်လျက်ရှိသည်။
DOCA(မန္တလေး)