စားတော်ပဲမှာ ပြည်တွင်းစားသုံးမှုများပြားသည့်ပဲဖြစ်ပြီး၊ စျေးကွက်အတွင်း အရောင်းသွက်သည့် ပဲအမျိုးအစားဖြစ်ကြောင်း သိရပါသည်။မန္တလေးတိုင်းဒေသကြီးအတွင်း အမရပူရ၊ ပြင်ဦးလွင်၊ မိုးကုတ်၊ တကောင်း၊ စဉ့်ကူး၊ မတ္တရာနှင့်မြင်းခြံမြို့နယ်တို့တွင် စားတော်ပဲများစိုက်ပျိုးပြီး၊၂၀၂၄-၂၀၂၅ ခုနှစ်အတွင်း စားတော်ပဲအပါအဝင် ပဲမျိုးစုံစိုက်ပျိုးမှု ၁၀၁၉၄၇၇ ဧကဖြစ်ကြောင်း သိရှိရပါသည်။ မန္တလေးပွဲစား၊ ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ်နိုဝင်ဘာလစတုတ္ထ ပတ်အတွင်းဖြစ်ပေါ်သည့် ပေါက်စျေးမှာ ၃တင်းဝင်တစ်အိတ်လျှင် စားတော်ပဲ(ကနေဒါ) ၃၂၀၀၀၀ ကျပ်နှင့် ၃၃၀၀၀၀ ကျပ်၊ စားတော်ပဲ(ကျွန်း)၈၈၀၀၀၀ ကျပ်၊တစ်ပိဿာလျှင်စားတော်ပဲ (ကနေဒါ) ၅၄၀၁ကျပ်နှင့် ၅၅၇၀ကျပ်၊စားတော် ပဲ(ကျွန်း)၁၄၈၅၂ ကျပ်တို့ဖြစ်ကြောင်း သိရှိရပါသည်။ ယခင်နှစ်ကာလတူ တစ်ပိဿာ ပေါက်ဈေးမှာ စားတော်ပဲ (ကနေဒါ) ၆၄၁၄ကျပ်နှင့် ၇၅၉၄ကျပ်၊ စားတော်ပဲ (ကျွန်း)၇၀၈၉ကျပ်နှင့် ၇၅၉၄ကျပ်ဖြစ်ပြီး၊ ယခုနှစ်နှင့် ယခင်နှစ်ကာလတူစျေး နှိုင်းယှဉ်ပါက တစ်ပိဿာလျှင် စားတော်ပဲ (ကနေဒါ)စျေးမှာ လျော့နည်းသွားကြောင်း သိရှိရပါသည်။
DOCA(မန္တလေး)