မြင်းခြံခရိုင်အတွင်းရှိ မြင်းခြံမြို့နယ်သည် ဆည်ရေသောက်အသင့်တင့်ရှိပြီး မိုးကောင်းသောက် ဧရိယာများတွင် မိုးစပါးများကိုလည်း ဒေသတွင်းဝမ်းစာဖူလုံစေရန် စိုက်ပျိုးထားကြောင်း သိရှိရသည်။ မိုးစပါးများကို ဇူလိုင်လ၊ဩဂုတ်လနှင့် စက်တင်ဘာလတို့တွင် စတင်စိုက်ပျိုးပြီး ဒီဇင်ဘာလနှင့် ဇန်နဝါရီလတို့တွင် စတင်ရိတ်သိမ်းကြောင်း သိရှိရသည်။ ၂၀၂၅/၂၀၂၆ခုနှစ်တွင် မြင်းခြံမြို့နယ်၌ မိုးစပါးစိုက်ပျိုးပြီးစီးမှု (၁၃၃၃) ဧက စိုက်ပျိုးထားကြောင်း မြို့နယ်ကြေးတိုင်နှင့် မြေစာရင်းဦးစီးဌာန၏ စာရင်းများအရသိရှိရသည်။ စီမံကိန်းလျာထားချက်နှင့် အညီရာနှုန်း ပြည့်မီအောင် စိုက်ပျိုးထားကြောင်း၊ သက်လတ်စပါးမျိုးဖြစ်သော မနောသုခ စပါးမျိုးများကို စိုက်ပျိုးထားကြောင်း၊ မိုးစပါးများကို ၂၀၂၆ခုနှစ်၊ ဇန်နဝါရီလတွင် စတင်ရိတ် သိမ်းမည်ဖြစ်ကြောင်း၊ ယခင်နှစ်မိုးစပါး အထွက်နှုန်းအနေဖြင့် (၈၃)တင်း ခန့် ထွက်ရှိခဲ့ကြောင်း၊ ယခင်နှစ်စပါး တစ်တင်းခွဲ တစ်အိတ်လျှင် (၃၀၀၀၀) ကျပ်ခန့်ပေါက်ဈေးများဖြင့် ဒေသအတွင်း၌သာ အရောင်းအဝယ် ဖြစ်ခဲ့ကြောင်း၊ ရာသီဥတုကောင်း မွန်ပါက ယခင်နှစ်ထက် အထွက်နှုန်းကောင်း နိုင်ကြောင်း မိုးစပါး စိုက်တောင်သူတစ်ဦး၏ ပြောပြချက်အရသိရှိရသည်။ ဆန်လိုဒေသဖြစ်သောကြောင့် စားနပ်ရိက္ခာအတွက်လိုအပ်သော ဆန်များကို ရွှေဘိုမြို့၊ ကျောက်ဆည်မြို့၊ မကွေးတိုင်းနှင့် ဧရာဝတီတိုင်းတို့မှ တင်သွင်း၍ဒေသတွင်း ဖြန့်ဖြူးရောင်းချကြောင်း သိရှိရသည်။
DOCA(မန္တလေး)