၂၄.၁၁.၂၀၂၅ ရက်နေ့ (၁၀:၁၅)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၃)ဦး၊ စည်ပင်သာယာအုပ်ချုပ်ရေးမှူးရုံးမှ ဒုတိယဦးစီးမှူး ဦးရဲဝင်းစိုးနှင့် စက်မှုဇုန်ကော်မတီရုံးမှ တာဝန်ရှိသူတို့သည် အမှတ်(၁၃၂)၊ ဝက်မစွပ်ဝန်ထောက်လမ်း၊ စက်မှုဇုန်(၄)၊ လှိုင်သာယာ(အရှေ့ပိုင်း)မြို့နယ်ရှိ Feel Candy စက်ရုံလုပ်ငန်းရှင်ထံ ကွင်းဆင်းသွားရောက်တွေ့ဆုံပြီး လုပ်ငန်းရှင်၏ ကြုံတွေ့နေရသည့်အခြေအနေနှင့် ထုတ်လုပ်ဖြန့်ဖြူးရောင်းချမှုအား တွေ့ဆုံမေးမြန်းဆောင်ရွက်ခဲ့ကြောင်း သိရပါသည်။
Feel Candy စက်ရုံတာဝန်ခံက စက်ရုံမှထုတ်လုပ်သော အမှတ်တံဆိပ်များမှာ Rain Bow Candy၊ Red Bull Flavour Candy၊ Classic Series၊ Feel သီးစုံအရသာနှင့်မန်ကျည်းအရသာတို့ ထုတ်လုပ်လျက်ရှိပြီး တစ်ရက်ထုတ်လုပ်မှုမှာ သကြားလုံး(၃၀)ပါ အထုပ် ၂၀၀ မှ ၂၅၀ ပါကင် ထုတ် လုပ်လျက်ရှိပြီး တစ်လထုတ်လုပ်မှုမှာ ပျမ်းမျှအားဖြင့် အလှည့်ကျအမျိုးအစားပေါင်း(၅၀၀၀)ပါကင် ထုတ်လုပ်ကာ မြန်မာပြည်အနှံ့အပြားသို့ ပို့ဆောင်ဖြန့်ဖြူးရောင်းချလျက်ရှိကြောင်း၊ ဝန်ထမ်းအင်အားမှာ ကျား(၄၀)၊ မ(၉၀) စုစုပေါင်း (၁၃၀)ဦးဖြင့် လုပ်ငန်းအဆက်မပြတ်လုပ်ကိုင်နေကြောင်း ကွင်းဆင်းလေ့လာချက်အရ သိရှိရပါသည်။
DOCA (ရန်ကုန်)