မိတ္ထီလာခရိုင်အတွင်း ကျေးရွာများတွင် ပဲမျိုးစုံစိုက်ပျိုးကြရာ ပြည်ပပို့ကုန်သီးနှံဖြစ်သည့် ပဲစဉ်းငုံသီးနှံကိုလည်း အဓိကစိုက်ပျိုးကြပါသည်။ ပဲစဉ်းငုံသီးနှံသည် မိုးသီးနှံဖြစ်၍ ဇွန်လတွင်စိုက်ပျိုး ကြပြီး ဒီဇင်ဘာလနှင့် ဇန်နဝါရီလများတွင် ရိတ်သိမ်းကြရာ ယခုအခါတွင် ပဲစဉ်းငုံစေ့(အစို)များ စတင်၍ ဈေးကွက်တွင်မြင်တွေ့နေရပြီဖြစ်ပါသည်။ ပဲစဉ်ငုံစေ့(အစို)များကို ပြုတ်၍သော်လည်း ကောင်း နှပ်၍သော်လည်းကောင်း စားကြကြောင်းသိရပါသည်။ ပဲမျိုးစုံရှိတဲ့အထံမှာမှ ပဲစဉ်းငုံသီးသည် လူနှင့်ပိုတည့်သည်ဟု ရှေးလူကြီးသူမများကအယုံအကြည်ရှိကြပါသည်။ပဲစဉ်းငုံသီးထဲတွင်ပိုတက်စီယမ်သတ္ထုဓါတ်အဓိကအများဆုံးပါရှိ၍သွေးဖိအားကိုလျော့ချပေး၍ သွေးတိုးရောဂါရှိသူ များစားသုံးရန်သင့်တော်သော ပဲတစ်မျိုးဖြစ်ပါ သည်။
ဈေးနှုန်းအနေဖြင့် မိတ္ထီလာမြို့ဈေးကွက် နိုဝင်ဘာလ တတိယပတ်တွင် ပဲစဉ်းငုံစေ့(အစို) နို့ဆီဗူးတစ်ဗူးလျှင်(၁၀၀၀ မှ ၁၃၀၀)ကျပ်ဈေးဖြင့် အရောင်းအဝယ်ဖြစ်လျှက်ရှိကြောင်း ဈေးကွက်မှ စုံစမ်းသိရှိရပါသည်။
DOCA(မန္တလေး)