ပြည်ပဝယ်လိုအားကောင်းနေသော လယ်ယာထွက်ကုန်သီးနှံများအနက် ကုလားပဲကို သာစည်မြို့နယ်တွင် ယခုနှစ်စိုက်ပျိုးရာသီအတွက် နိုဝင်ဘာလတွင် စတင်စိုက်ပျိုးနေကြောင်း ကုလားပဲစိုက်တောင်သူတစ်ဦးထံမှ သိရှိရပါသည်။
ကုလားပဲမှာ ဧကပြည့်သီးသန့်စိုက်ပျိုးမည်ဆိုပါက တစ်ဧကလျှင် မျိုးစေ့တစ်တင်းခွဲခန့် စိုက်ပျိုးရပြီး အများအားဖြင့် တောင်သူများက နံနံပင်များနှင့် သီးညှပ်စိုက်ပျိုးကြပါသည်။ ကုလားပဲမျိုးအနေဖြင့် ဒေသတွင်းစိုက်ပျိုးမှုများသော ကုလားပဲအဖြူ/ အနီ မျိုးများမှာ တစ်တင်းလျှင် (၇၀၀၀၀-၈၀၀၀၀) ကျပ် ဈေးရှိပြီး၊ ကုလားပဲစိုက်ပျိုးရာတွင် မြေပြုပြင်ခြင်း၊ လုပ်သားခနှင့် သွင်းအားစု စုစုပေါင်း တစ်ဧကလျှင် (၃၀၀၀၀၀) ကျပ်ခန့်ကုန်ကျကြောင်း ကုလားပဲစိုက်တောင်သူတစ်ဦးထံမှ သိရှိရပါသည်။ ကုလားပဲကို ဆောင်းသီးနှံအနေဖြင့်စိုက်ပျိုးရာ ဖေဖော်ဝါရီနှင့်မတ်လများတွင် ရိတ်သိမ်းသွားမည်ဖြစ်ကြောင်း သိရှိရပါသည်။
DOCA(မန္တလေး)