ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် ရပ်ကွက်ဈေးများတွင် ကြက်ဥနှင့် ဘဲဥဈေးနှုန်းများမှာ ပုံမှန်အမြင့်ဈေးအတိုင်း ဆက်လက်တည်ရှိနေပြီး၊ ကြက်ဥတစ်လုံး ၄၀၀ ကျပ်မှ ၄၅၀ ကျပ်အထိ၊ ဘဲဥတစ်လုံး ၅၀၀ ကျပ်မှ ၅၅၀ ကျပ်အထိ ရှိကြသည်။ ငုံးဥ ၁၀၀ လုံးဈေးက ၁၀၀၀၀-၁၁၀၀၀ ကျပ်အထိ မြင့်တက်နေပြီး ဆေးဘဲဥတစ်လုံး ၁၂၀၀ ကျပ်ဈေးရှိသည်။ ပင်ရင်းဈေးများတွင် ကြက်ဥသည် ၃၇၀ ကျပ်မှ ၄၂၀ ကျပ်၊ ဘဲဥ ၃၅၀ ကျပ်မှ ၅၀၀ ကျပ်နှင့် ငုံးဥတစ်လုံး ၉၅ ကျပ်၊ ဆေးဘဲဥ ၇၀၀-၈၀၀ ကျပ်ရှိကြောင်း ဩဂုတ်လက ကြက်ဥ၊ ဘဲဥ၊ ပုံမှန်ဖြစ်နေပြီး ငုံးဥ အလုံး ၁၀၀လျှင် ၈၀၀၀-၉၀၀၀ကျပ်သာရှိပြီး ဆေးဘဲဥ ၁လုံးလျှင် ၉၀၀ကျပ်သာ ရှိပြီး ယခု ၂၀၂၅ခုနှစ် နိုဝင်ဘာလတွင် ငုံးဥ ၂၀၀ကျပ်၊ ဆေးဘဲဥ ၃၀၀ကျပ် မြင့်တက်လာကြောင်း ကြက်ဥ၊ ဘဲဥ၊ ငုံးဥ၊ ဆေးဘဲဥ ရောင်းချသောဒိုင်မှ သိရသည်။
DOCA(ဧရာဝတီ)