မြေကြီးအတွင်း အစိုဓါတ်ရှိပြီး အနည်းငယ်အေးလာသောရာသီချိန်ဖြစ်သည့်အတွက် မြေကြီး အတွင်းစိုက်ပျိုးထားသော ဥများဖြစ်သည့် ဝါးဥ၊ ပိန်းဥ၊ ကန်စွန်းဥ နှင့် ထန်းမြစ်များ ထွက်ပေါ်လာ နေပြီဖြစ်ပါသည်။ ပြည်ဈေးကွက်အတွင်းသို့ ပြည်မြို့နယ်အတွင်း ကျေးရွာများနှင့် ရွှေတောင်မြို့နယ် အတွင်းရှိ ကျေးရွာများမှ ဝါးဥ၊ ပိန်းဥနှင့် ထန်းမြစ်တို့လာရောက်ရောင်းချသလို ရှမ်းပြည်နယ်ဘက် မှလည်း ကန်စွန်းဥကို ကုန်ကားများနှင့် တင်ပို့ရောင်းချကြသဖြင့် အရောင်းအဝယ်ဖြစ်လျက်ရှိပါသည်။ စားသုံးသူများအနေဖြင့်လည်း ရာသီချိန်သီးနှံများဖြစ်သည့်အတွက် ဝယ်ယူစားသောက် ကြသလို ဈေးသည်များကလည်း ထိုဥများကို ပြုတ်၍ ပြန်လည် ရောင်းချကြ ပါသည်။ ဝါးဥနှင့် ပိန်းဥကို ရွှေတောင်ဘက်မှ အများအပြားလာရောက်ရောင်းချသလို ထန်းမြစ်ကို ပြည်မြို့နယ်အတွင်း ကျေးရွာများဖြစ်သော မှော်ဇာနှင့် မေုဌာကျေးရွာများ လာရောက်ရောင်း ချကြပါသည်။ ဈေးနှုန်း အနေဖြင့် ဝါးဥတစ်ပိသာလျှင် (၄၀၀၀)ကျပ်၊ ပိန်းဥတစ်ပိဿာလျှင် (၄၀၀၀) ကျပ်၊ ကန်းဥတစ်ပိဿာ (၄၀၀၀)ကျပ်နှင့် ထန်းမြစ် (၁၀)ချောင်းပါတစ်စည်းလျှင် (၁၈၀၀)ကျပ်ဖြင့် ပြည်မြို့ရှိဈေးများအတွင်းတွင် ရောင်းချလျက်ရှိပါသည်။
DOCA(ပဲခူး)