သီရိလင်္ကာနိုင်ငံသည် ၂၀၂၅ ခုနှစ် ပထမ ၁၀လအတွင်း ခရီးသွားလုပ်ငန်းမှ အမေရိကန် ဒေါ်လာ ၂ ဒသမ ၆၆ ဘီလီယံခန့် ရရှိခဲ့ကြောင်း သီရိလင်္ကာဗဟိုဘဏ် (CBSL) က ၎င်း၏နောက်ဆုံး အစီရင်ခံစာတွင် ဖော်ပြထားသည်။
၂၀၂၅ ခုနှစ် အောက်တိုဘာလအတွက် ခရီးသွားလုပ်ငန်းမှ၀င်ငွေ အမေရိကန်ဒေါ်လာ ၁၈၆ ဒသမ ၁ သန်းရရှိခဲ့ကြောင်း ထိုဘဏ်က ပြောကြားသည်။ ဇန်နဝါရီမှ အောက်တိုဘာလ အတွင်း ခရီး သွားလုပ်ငန်းမှ စုစုပေါင်းဝင်ငွေသည် ၂၀၂၄ ခုနှစ် အလားတူကာလ က ခရီးသွား လုပ်ငန်း ဝင်ငွ ေရရှိမှု ထက် ၄ ဒသမ ၉ ရာခိုင်နှုန်း မြင့်တက်လာသည်ဟု ယင်းဘဏ်ကဆိုသည်။
သီရိလင်္ကာခရီးသွားလုပ်ငန်း ဖွံ့ဖြိုးတိုးတက်ရေးအာဏာပိုင်အဖွဲ့ (SLTDA) ၏ အချက်အ လက် များ အရ ၂၀၂၅ ခုနှစ် ဇန်နဝါရီလမှ နိုဝင်ဘာလ ၁၂ ရက်နေ့အထိ ခရီးသွား ၁၉၇၂၉၅၇ ဦး လာရောက်ခဲ့ကြောင်း သိရသည်။
အိန္ဒိယနိုင်ငံမှ ခရီးသွားဝင်ရောက်မှု ၄၄၃၆၂၂ ဦးဖြင့် အများဆုံးလာရောက်ပြီး ဗြိတိန်နိုင်ငံမှ ၁၈၀၅၉၂ ဦး၊ ရုရှားနိုင်ငံမှ ၁၄၄၃၀၈ ဦး၊ ဂျာမနီနိုင်ငံမှ ၁၂၃၀၅၃ ဦးနှင့် တရုတ်နိုင်ငံမှ ခရီးသွား လာရောက်သူဦးရေ ၁၁၅၄၀၀ ရှိသည်ဟု ထိုအဖွဲ့က ဆိုသည်။
Source: ဆင်ဟွာ
DOCA(ပြည်ထောင်စုနယ်မြေ)