အောင်သပြေပန်းသည် ဈေးကွက်ရောင်းအားအနေဖြင့် တခြားပန်းများနှင့်ယှဉ်လျှင် ဈေးနည်းသော်လည်း ပိုးမွှားရောဂါခံနိုင်သည့်အပြင် အပင်ပြုစုသည့်အခါတွင်လည်း ကုန်ကျစရိတ်သက် သာခြင်း၊စတင်စိုက်ပျိုးပြီး (၂)နှစ်သားရောက်မှသာလျှင် ချိုး၍ရောင်းရပါကြောင်း၊နေ့စဉ် ခူး၍ရောင်း ချရသောကြောင့် ပုံမှန်ဝင်ငွေ ရရှိသောကြောင့် စိုက်ပျိုးသူများ အားထားရသော ပန်းပင်တစ်မျိုး ဖြစ်ပါသည်။ နွေရာသီအချိန်တွင် (၇)ရက်တစ်ကြိမ်ရေတင်ပေးရကြောင်း၊ ယခုလို မိုးရာသီတွင် ပိုးသတ်ဆေးအနည်းငယ်ဖြန်းပေးရကြောင်း၊ လေကြမ်းတိုက်လျှင် သပြေညွှန့်လေးများသည် မရဲတော့ဘဲ အစိမ်းရောင်ဖြစ်နေကြောင်း၊ ဆောင်းရာသီအချိန်တွင် ရောင်းအားပိုမိုကောင်းကြောင်း၊ နွေရာသီမှာတော့ အပူဒဏ်ကြောင့် အနည်းငယ်ရောင်းအားအေးပါကြောင်း သပြေပန်းစိုက်ပျိုးသူတောင်သူတစ်ဦး၏ပြောကြားချက်အရသိရှိရသည်။သပြေပန်းကို ဘုရားတင်ခြင်း၊ နတ်ပန်းလှူခြင်း၊အလှူ၊ မင်္လာဆောင်များ အတွက် လူကြိုက်များသော ပန်းတစ်မျိုးဖြစ်ပါသည်။ ပုသိမ်ကြီး ဈေးတွင် အောင်သပြေ အငုတ်ကြီး တစ်ခုလျှင် (၂၀၀၀/၂၅၀၀)ကျပ် ၊ အငုတ်သေးတစ်ခုလျှင် (၁၀၀၀/၁၅၀၀)ကျပ်၊သပြေပန်းတစ်စည်းလျှင် (၅၀၀)ကျပ်ဖြင့် အကြီးအသေးပေါ်မူတည်၍ အရောင်းအဝယ်ဖြစ်လျက်ရှိကြောင်း ပန်းရောင်းချသူတစ်ဦးထံမှ သိရှိရပါသည်။
DOCA(မန္တလေး)