ပဲခူးတိုင်းဒေသကြီး၊ ပြည်ခရိုင်၊ ပြည်မြို့ရှိ မြို့မဈေးကြီးနှင့် အခြားဈေးများတွင် အသီးမျိုးစုံ ရောင်းချနေသည့်အပြင် တည်သီးများလည်း ရောင်းချနေကြောင်း သိရသည်။ တည်သီးများကို ရန်ကုန်သီရိမင်္ဂလာဈေးနှင့် မန္တလေးမြို့တို့မှ မှာယူရောင်းချကြောင်းသိရသည်။
တည်သီးသည် ဗီတာမင် C ပါဝင်ပြီး ကိုယ်ခံစွမ်းအားကို အကောင်းဆုံးမြှင့်တင်ပေးကြောင်း သိရသည်။ အအေးမိဖျားနာ၊ တုပ်ကွေး စတာတွေကာကွယ်ဖို့ အဆုတ်ပိုးဝင်တာကို ခုခံတိုက်ထုတ် သောကြောင့် တည်သီးကို စားပေးသင့်ကြောင်း သိရသည်။
၂၀၂၅ ခုနှစ်၊ နိုဝင်ဘာလ၊ ဒုတိယပတ်တွင် တည်သီးဈေးနှုန်းမှာ တည်သီးအကြီး (၁)လုံးလျှင် (၃၅၀၀)ကျပ်၊ အသေး(၁)လုံးလျှင် (၃၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း ပြည်မြို့ တွင် ရောင်းချလျက်ရှိသော သစ်သီးဆိုင်များမှ သတင်းရရှိပါသည်။
DOCA(ပဲခူး)