အခြေခံစားသောက်ကုန်ပစ္စည်းများ၏ ဈေးနှုန်းအခြေအနေအား ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေးအတွင်း/ အပြင်ရှိ ဈေးဆိုင်များသို့ နိုဝင်ဘာလ(၁၃)ရက်နေ့၊ နံနက်(၀၈:၃၀)နာရီအချိန်တွင် ဈေးကွက်စောင့်ကြည့် စာရင်းကောက်ယူ ကွင်းဆင်းစစ်ဆေးခဲ့ကြောင်း သိရသည်။
ထိုသို့ ကွင်းဆင်းဆောင်ရွက်ခဲ့ရာတွင် ကော့မှူးမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်း၊ ဒုတိယဦးစီးမှူး ဒေါ်နီလာဝင်းနှင့် မြို့နယ်စည်ပင်သာယာရေးအဖွဲ့မှ မြို့နယ်ဈေးတာဝန်ခံ ဦးအေးသွင်တို့သည် စည်ပင်သာယာမြို့မဈေးအတွင်း/ အပြင်ရှိ အခြေခံစားသောက်ကုန်ပစ္စည်း အရောင်းဆိုင်များဖြစ်သော ဒေါ်မူ၊ ဦးချမ်းသာကြီး၊ မိဘရိပ်၊ ဒေါ်လုံးလုံး ဆန် ဆိုင်များ၊ ဦးတင့်ဆွေဦး၊ ဦးသန့်ဇင်ဝင်း၊ ဒေါ်ချောစုလှိုင်၊ ဦးဌေးလှိုင်၊ ဒေါ်ချိုချိုမြင့် ကုန်ခြောက်ဆိုင်များ၊ ဦးခင်မောင်ဝင်း ဝက်သားဆိုင်၊ ဦးကုလားဆိုင် အမဲသားဆိုင်၊ ဦးဇော်ကြီး ဆိတ်သားဆိုင်နှင့် ဒေါ်ပေါက်၊ ဒေါ်နိုင်နိုင်မော် ကြက်သား၊ ဘဲသားဆိုင်၊ ဒေါ်ချိုချိုဝင်း၊ ဒေါ်ဌေးကြည်၊ ဒေါ်မိုးကြည် ရေချိုရေငံ၊ ငါး၊ ပုဇွန်အရောင်းဆိုင်၊ ဒေါ်သန်းသန်းစိုး ငါးပိ၊ ငါးခြောက်ဆိုင်နှင့် ဒေါ်စုကြည်၊ ဒေါ်ချို ကြက်ဥ၊ ဘဲဥလက်လီလက်ကားဆိုင်၊ ဒေါ်စိန်မမ၊ ဦးဖိုးထောင်၊ ဦးကျောက်ခဲ အသီးအရွက်ကုန်စိမ်းအရောင်းဆိုင်တို့တွင် နိုဝင်ဘာလဆန်းပိုင်းနှင့် နိုဝင်ဘာလလယ်ပိုင်းဖြစ်ပေါ်နေသော အခြေခံစားသောက်ကုန်ပစ္စည်းဈေးနှုန်းတို့မှာ သိသိသာသာ ပြောင်းလဲမှုမရှိသော်လည်း စားအုန်းဆီဈေးနှုန်းမှာ အနည်းငယ်မြင့်တက်လာသည်ကို မြေပြင်ကွင်းဆင်းစစ်ဆေးတွေ့ရှိခဲ့ ကြောင်း သိရှိရပါသည်။
DOCA(ရန်ကုန်)