ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ် တမံကြီးကျေးရွာရှိ အခြေခံပညာ အထက်တန်းကျောင်း(ခွဲ)တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် အခြေခံပညာဦးစီးဌာနတို့ ပူးပေါင်းကျင်းပသော စာဖတ်ရှိန်မြှင့်တင်ရေးလှုပ်ရှားမှုအခမ်းအနားကို နိုဝင်ဘာ လ(၁၃)ရက်နေ့၊ နံနက်(၁၀:၃၀)နာရီအချိန်တွင် ကျင်းပခဲ့ရာ စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံ ဒေါ်ကေခိုင်သည် စားသုံးသူကာကွယ်ရေး အသိပညာပေး ဟောပြောခဲ့ကြောင်း သိရှိရပါသည်။
ထိုအခမ်းအနားတွင် အ.ထ.က(ခွဲ)တမံကြီးကျောင်းအုပ်ဆရာမကြီးက အဖွင့်အမှာစကားပြောကြားခြင်း၊ ပြန်ဆက်ဦးစီးအရာရှိ ဒေါ်ခင်နှင်းဝေက ကျောင်းသား/ ကျောင်းသူများအား စာဖတ်ခြင်းဖြင့် ရရှိလာနိုင်သော အသိပညာဗဟုသုတများအား ရှင်းလင်းပြောကြားခြင်း၊ မြို့နယ်အားကစားမှူး ဦးခုတ်စွမ်းခိုင်က အားကစားနည်း(၄)မျိုးအား ရှင်းလင်းအသိပညာပေးခြင်း၊ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်ကျော့ကေခိုင်က စားသုံးသူကာကွယ်ရေး ဥပဒေ ပြဌာန်းထားရှိမှုနှင့် ဥပဒေပြဌာန်းချက်ပါ စားသုံးသူ၏ အခွင့်အရေးနှင့်တာဝန်များအား အသိပညာပေးခြင်း၊ Online Sale ဆိုင်ရာ သိကောင်းစရာများအား အသိပညာပေးခြင်းနှင့် အွန်လိုင်းမှ ဈေးဝယ်ယူရာတွင် လိမ်လည်မှုများ မခံရစေရန် အွန်လိုင်းရောင်းချမှုလုပ်ငန်းနှင့် စပ်လျဉ်း၍ စိစစ်သင့်သည့်အချက်များအား ရှင်းလင်းခဲ့ပြီး စားသုံးသူအခွင့်အရေးများ ဆုံးရှုံးနစ်နာ မှုများရှိခဲ့ပါက စားသုံးသူရေးရာဦးစီးဌာန၏ Call Center N0.1535 သို့ ဆက်သွယ်၍ တိုင်ကြားနိုင်ကြောင်းအား အသိပညာပေးခဲ့ကြောင်း သိရှိရပါသည်။
DOCA(ရန်ကုန်)