မကွေးတိုင်းဒေသကြီး၊ သရက်ခရိုင်၊ သရက်မြို့ပေါ်ရှိ အုန်းသီး၊ ငှက်ပျောသီးဆိုင်များသို့ မြို့နယ်အတွင်းရှိ ထီးရိုး၊ ရွှေပန်းကိုင်းကျေးရွာနှင့် မင်းတုန်းမြို့နယ်ရှိ ယော၊ သမ္ဗူလ၊ မြို့ဟောင်း၊ အလယ်ချောင်းကျေးရွာ၊ ကံမမြို့နယ်ရှိ ဆုံကုန်၊ ခြောက်ထောင့်ကျေးရွာများမှ ထွက်ရှိသည့် ဖီးကြမ်း ငှက်ပျော၊ ရခိုင်ငှက်ပျောသီးများနှင့် ရန်ကုန်မြို့မှ အုန်သီးများ အများဆုံးဝင်ရောက်လျက်ရှိကြောင်း သိရသည်။
၂၀၂၅ ခုနှစ်၊ နိုဝင်ဘာလ(ပထမပတ်)တွင် ဈေးနှုန်းအနေဖြင့် ဖီးကြမ်းတစ်ဖီးလျှင် ကျပ်(၂၅၀၀ -၃၀၀၀)၊ ရခိုင်ငှက်ပျောသီးတစ်ဖီးလျှင် ကျပ်(၁၅၀၀-၂၀၀၀)၊ အုန်းသီးတစ်လုံးလျှင် ကျပ်(၆၀၀၀- ၆၅၀၀)၊ အုန်းသီးအခွံချွတ်တစ်လုံးလျှင် ကျပ်(၄၅၀၀-၅၀၀၀)ဖြင့် ရောင်းချကြောင်း၊ အောက်တိုဘာ လ(စတုတ္ထပတ်)နှင့် ဈေးနှုန်းနှိုင်းယှဉ်ပါက အုန်းသီး၊ ငှက်ပျောသီး ကျပ်(၅၀၀)ဈေးနှုန်းကျဆင်း လာကြောင်း၊ ပုံမှန်အရောင်းအဝယ်ဖြစ်လျက်ရှိကြောင်း အုန်းသီးငှက်ပျောသီးရောင်းချသည့် ဈေး သည်များထံမှ သိရှိရပါသည်။
DOCA(မကွေး)