မြင်းခြံမြို့နယ်ရှိ အေးမြသီတာဈေး၌ ကုန်စိမ်းသီးနှံမျိုးစုံ ရောင်းဝယ်လျက်ရှိသည့်အနက် ဗမာကြက်ဟင်းခါးသီးများကိုလည်း ရောင်းချလျက်ရှိကြောင်း၊ ၎င်းအသီးများကို ဒေသတွင်းကျေးရွာများမှ ထွက်ပေါ်ချိန်ကုန်ဆုံးပြီဖြစ်သောကြောင့် ပုပ္ပါးမြို့တို့မှ မှာယူရောင်းချ လျက်ရှိကြောင်း၊ ၂၀၂၅ခုနှစ် နိုဝင်ဘာလတွင် ဗမာကြက်ဟင်းခါးသီး ၂၅ ကျပ်သားလျှင်(၂၂၀၀)ကျပ်၊ တစ်ပိဿာလျှင် (၈၀၀၀)ကျပ်ခန့် ပေါက်ဈေးများဖြင့်ရောင်းချရှိကြောင်း၊ ယခင် အောက်တိုဘာလ တွင် ဗမာကြက်ဟင်းခါးသီး ၂၅ ကျပ်သားလျှင် (၁၇၀၀)ကျပ်၊ တစ်ပိဿာလျှင် (၆၀၀၀) ကျပ်ခန့်ပေါက်ဈေးများဖြင့် အရောင်းအဝယ် ဖြစ်ခဲ့ကြောင်း၊ ယခင်လနှင့် နှိုင်းယှဉ်ပါက ယခုလတွင် ဗမာကြက်ဟင်းခါးသီး ၂၅ ကျပ်သားလျှင် (၅၀၀)ကျပ်၊ တစ်ပိဿာလျှင် (၂၀၀၀)ကျပ်ခန့် ဈေးနှုန်းများ မြင့်တက်ခဲ့ကြောင်း၊ ထိုသို့မြင့်တက်ခဲ့ခြင်းမှာ ဗမာကြက်ဟင်းခါးသီးများ ရာသီချိန်ကုန်ဆုံးပြီး ရှားပါးလာချိန်ဖြစ်သောကြောင့် ဈေးနှုန်းများမြင့် တက်ခဲ့ခြင်းဖြစ်ကြောင်း၊ ဗမာကြက်ဟင်းခါးသီးများသည် ဆေးဖက်ဝင်သောကြောင့် စားသုံးမှုများပြားကြောင်း၊ဈေးကွက်တွင် ဝယ်လိုအားများပြားပြီး ရောင်းလိုအားနည်းလျက်ရှိကြောင်း ကုန်စိမ်းရောင်းချသူတစ်ဦး၏ ပြောပြချက်အရ သိရှိရသည်။
DOCA (မန္တလေး)