မြင်းခြံမြို့အေးမြသီတာဈေးတွင် စားသောက်ကုန်အမျိုးမျိုးနှင့် လူသုံးကုန်ပစ္စည်းအမျိုးမျိုး ရောင်းချလျက်ရှိရာ ဘဲဥ၊ကြက်ဥများကိုလည်း ရောင်းချလျက်ရှိကြောင်း၊ ၎င်းတို့ကို ပြင်ဦးလွင် မြို့နှင့် ပခုက္ကူမြို့တို့မှ မှာယူရောင်းချကြောင်း သိရှိရသည်။ ၂၀၂၅ခုနှစ်၊ နိုဝင်ဘာလတွင် ကြက်ဥ တစ်လုံးလျှင် (၄၈၀-၅၀၀)ကျပ်၊ တစ်ပိဿာလျှင် (၁၁၅၀၀)ကျပ်၊ ဘဲဥတစ်လုံးလျှင်(၆၅၀-၇၅၀)ကျပ်ခန့် ပေါက်ဈေးများဖြင့် ရောင်းချလျက်ရှိကြောင်း၊ ယခင် အောက်တိုဘာလတွင် ကြက်ဥ တစ်လုံးလျှင်(၄၅၀-၄၇၀)ကျပ်၊ တစ်ပိဿာလျှင် (၁၀၈၀၀)ကျပ်၊ ဘဲဥတစ်လုံးလျှင် (၆၀၀-၇၀၀) ကျပ်ပေါက်ခန့် ပေါက်ဈေးများဖြင့် ရောင်းချခဲ့ကြောင်းသိရှိရသည်။ ယခင်လနှင့်နှိုင်းယှဉ်ပါက ယခုလတွင် ကြက်ဥတစ်လုံးလျှင်(၃၀)ကျပ်၊ကြက်ဥတစ်ပိဿာလျှင် (၇၀၀)ကျပ်ခန့်နှင့် ဘဲဥတစ်လုံးလျှင် (၅၀)ကျပ် ခန့်ဈေးနှုန်း အနည်းငယ်မြင့်တက်ခဲ့ကြောင်း ကြက်ဥ၊ဘဲဥရောင်းချသူ ထံမှသိရှိရသည်။
DOCA (မန္တလေး)