စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့မဈေးရှိ သစ်သီးဈေးကွက်တွင် ပန်းသီး၊ နာနတ်သီး၊ ပန်းသစ်တော်သီး၊ သခွားမွှေးသီး၊ နဂါးမောက်သီးနှင့် ဖရဲသီးများရောင်းချလျက်ရှိပြီး ဖရဲသီးကို မြစ်ကြီးနားမြို့နှင့် မန္တလေးမြို့တို့ရှိ သစ်သီးပွဲရုံများမှ ဝယ်ယူရပြီး နဂါးမောက်သီးမှာ ဒေသတွင်းမှ ဝယ်ယူရကြောင်း သစ်သီးရောင်းချသူများထံမှ သိရသည်။
ကန့်ဘလူမြို့ သစ်သီးဈေးကွက်တွင် ၂၀၂၅ ခုနှစ် ၊ နိုဝင်ဘာလ ဒုတိယပတ်အတွင်း ဖရဲသီး အကြီး(၁)လုံးလျှင် (၅၀၀၀)ကျပ်၊ အသေး(၁)လုံးလျှင် (၃၀၀၀)ကျပ်နှင့် ဖရဲသီးတစ်စိတ်လျှင် (၁၀၀၀)ကျပ်၊ နဂါးမောက်သီးအသေး(၁)လုံးလျှင် (၁၀၀၀)ကျပ်၊ အကြီး(၁)လုံးလျှင် (၁၅၀၀)ကျပ် ဈေးနှုန်းတို့ဖြင့် ရောင်းချလျက်ရှိရာ ယခုနိုဝင်ဘာလ ပထမပတ်ဈေးနှုန်းများနှင့် နှိုင်းယှဉ်ပါက ဒုတိယပတ်အတွင်း ကျောက်စိမ်းဖရဲသီး(၁)လုံးလျှင် (၁၀၀၀)ကျပ် ဈေးနှုန်းကျဆင်းလျက်ရှိကြောင်း သစ်သီးရောင်းချသူ ဒေါ်တုတ်ထံမှ သိရသည်။
DOCA(စစ်ကိုင်း)